Wikipedia:Robot
vanuit Wikipedia, die vrye ensiklopedie.
'n Robot (in die konteks van Wikipedia) is 'n program wat kontak met Wikipedia het oor die web. Dit verwys dus nie na die programme wat op die bedieners van die Wikimediastigting loop nie. Robotte word byvoorbeeld gebruik om interwiki-skakels in stand te hou, aangesien hierdie proses maklik geoutomatiseer kan word.
Mense is egter vir meeste take beter as robotte en die gebruik van robotte moet beperk word om te verseker dat sulke tegnologie slegs gebruik word tot die verbetering van Wikipedia. As 'n robot byvoorbeeld gebruik word om 'n klomp artikels outomaties te vertaal, sal dit bloot beteken dat daar klomp swak vertaalde artikels bygekom het.
Dit is belangrik om te besef dat die beleid vir die gebruik van 'n robot heelwat verskil tussen verskillende tale van Wikipedia. Dra altyd sorg om eers die beleid van 'n spesifieke projek uit te vind en dit te volg. Omdat 'n outomatiese proses wysigings baie vinnig kan aanbring, word beleid gespesifiseer vir die beskerming van die projek. Die blokkering van robotte en die terugrol van robotte se wysigings kan baie makliker geskied aangesien 'n veronderstelde negatiewe impak moontlik baie groter kan wees.
[wysig] Hoe werk dit?
'n Sekere program kan 'n gebruiker in staat stel om een of ander wysiging op die wiki uit te voer. Die proses kan grootliks outomaties wees, of elke wysiging kan deur 'n mens nagegaan word. 'n Robot gebruik 'n gewone rekening, net soos 'n mens, en die wysigings verskyn by die onlangse wysigings en in elke betrokke bladsy se geskiedenis. Vir robotte wat baie wysigings maak en wat algemeen vertrou word om hierdie wysigings sonder kontrole te maak, kan aansoek gedoen word vir amptelike robotstatus. Dit beteken dat die wysigings nie meer by die onlangse wysigings sal verskyn tensy mens spesifiek klik op "wys robotte". Die wysigings van 'n robot met amptelike robotstatus sal steeds in elke betrokke bladsy se geskiedenis verskyn.
[wysig] Vereistes
Voordat 'n robot gebruik kan word, moet aan die volgende voldoen word:
- dit moet 'n gebruikerblad hê, wat verduidelik
- wat die robot doen - die doel en nut van die robot
- wie verantwoordelik is vir die robot
- of die robot se aktiwiteite nagesien word of nie
- of dit tydelik of permanent is. Indien tydelik, noem die tydperk waarin dit optree.
- daar moet 'n boodskap in die geselshoekie of gepaste plek gelaat word vir kennisname
[wysig] Sien ook
- Die beleid van die Engelse Wikipedia - ons s'n sal waarskynlik iets soortgelyk wees.
