Canis
De Uiquipedia
Canis ye'l nome que se-y da a una tipoloxía de xóvenes d'ente 15 y 20 años d'edá con unos gustos y vezos d'ociu comunes, y que tienen provocao cierta alarma pola so influyencia en actos violentos nel ámbitu escolar. El grupu autodenomínase cani en contraposición del pijo, mozos de la mesma edá pero de clases sociales más acomodaes, y que conformen el so primer obxetivu d'agresiones y pequeños robos, polo xeneral nel ámbitu del centru d'enseñanza. El fenómenu 'cani entamose na ciudá de Sevilla, n'Andalucía, al entamu'l sieglu XXI, aunque nos años siguientes espardiose la moda a otres zones de la rexón. Los canis carauterícense por una estética cola qu'amuesen la so identificación con otros esquemes de comportamientu xuvenil algamaos al través de la televisión y el cine, esto ye: les bandes de delicuentes mozos nortemaricanes o d'América Latina allugáos n'España (Ñetas, Latin Kings...). Poro, presta-yos vestir ropes de color claru, gorres de béisbol, calzáu deportivu de colores rellumantes y bisutería dorada. Tan consideraos como xóvenes de perbaxu nivel cultural y social.
[editar] Enllaces esternos
- Web cani de Sevilla (n'español)
- Artículu sobro'l fenómenu cani
