Heracles
De Uiquipedia
 |
| Esti artículu forma parte de la serie Mitoloxía Griega |
| Dioses |
|
Divinidaes primordiales |
| Elencos |
| Tamién |
Heracles (na mitoloxía romana Hércules) ye'l nome d'un semidiós (dacuando consideráu héroe) de la mitoloxía griega. Yera fíu de Zeus y Alcmena, aquél sabedor de la fidelidá de la muyer tresformóuse nel sou esposu pa concibir a Heracles. Sou pai dotóu con una fuerza maraviyosa y sobrehumana que-y averaba pa los dieuses.
Por mor d'esta infelidá del sou cónyuxe, Hera siempres guardou un fuerte tarrecimientu pa con Heracles, asina cuando taba en bierzu la dieusa unvióulu duas sierpes pa que lu mataran, pero la descomunal fuercia del semidiós fixo que pudiera afogalas.
Tamién diz un mitu que siendo neñu taba mamando de la súa mai, y a ésta debalóusela una gota de lleite que creyóu la Vía Láctea, decatemonos de que la pallabra galaxia procede del griegu galasias que significa lacteu.
Cuando yera adultu ayudóu a Tebes na súa lluita colos minios, y como la súa fuercia fou decisiva pa ganare, el rei de Tebas concediéulu por esposa a súa fía Mégara; esta dióulu tres fíos pero Hera nun esqueicía qu'Heracles yera una preba viviente de la traición de Zeus. Asina que fixo enllouquecere al fíu del sou maríu, y nesti intre Heracles asasinóu a súa muyer y sous fíos. Cuando tornóu pa la cordura decidíu facer penitencia pa lu que visitóu a sou primu Euristeu quien lu mandóu los Dolce Trabayos.
Representábaselu vestíu colas pieles del lleón de Nemea al que matóu colas súas propias manos y despelleyóu.
[editar] Los Dolce Trabayos
- Afogare al lleón de Nemea.
- Matare a la hidra de Lerna.
- Algamar el ciervu de los cuernos d'ouru.
- Caciar el xabalín d'Erimantu.
- Llimpiare las cortes d'Augías.
- Acabare colos páxaros del llagu Estínfalu.
- Domar el güe xabaz de Creta.
- Furtare las xeguas del rei Diomenes de Tracias.
- Vencer las amazonas y coyer la cincha d'Hipólita.
- Matar a Xerión y furta-y los sous rabaños.
- Furtare las mazanas d'ouru del Xardín de las Hespérides.
- Dir buscare a Cerberu y llevalu a Euristeu.
