Orión (mitoloxía)
De Uiquipedia
 |
| Esti artículu forma parte de la serie Mitoloxía Griega |
| Dioses |
|
Divinidaes primordiales |
| Elencos |
| Tamién |
Orión ye un xigante de la mitoloxía griega, fíu de Poseidón y d'Eurial. Yera'l meyor cazador d'ente los dieuses y el sou pái dióulu'l poder de caminar sobru las aguas de la mar. Diz la llenda qu'Enopión rei de Chíos encargólu matar a las bestias qu'invadían el sou reinu, tres facer l'encargu namoróuse de la fía d'aquél, Merope. Pero'l rei nun quería tal casoriu y emborrachóulu, sacóulu los güeyos y dexóulu al debalu na vera la mar. Entóncenes pidíu aida a un nenu pa que-y indicara au nacía'l sol, viaxóu con él ta que lu atopóu y gracias a esu retornóu a ver. Cuando tornóu Enopión fuxera a una gruta subeirada, na súa busca pisóu, ensin querer, a un pequeñu escuripión que, col sou velenu, matóulu. Entóncenes Zeus, apiadáu del xigante, convirtíu na constelación d'Orión.
Yera tan amáu esti xigante ente los dieuses y tan reconocíu'l sou valir como cazador que nel sou honor, nun sólo xubiórun-y a él a los cielos sinon tamién a los sous dous perros favoritos como las constelaciones de Can Major y Can Minor xunta a una lliebre (Lepus) pa siguir cazando. N'honor de la fuercia de los más pequeños escontra los más grandes, y como una alcordanza pa toos, los dieuses fixorun que l'escuripión tuviera nos cielos como la constelación d'Escuripión. Na posición qu'ocupa nel cielu contina la hestoria xunta los sous perros y a la lliebre, ta nel lláu opuestu d' Escuripión y sigui a Merope y a las súas hermanas las Pléyades.
