Demokrasiy
Wikipediya ra, ansiklopediya xosere
Tırki Peyniyede Sarrê Xo Wenê
Makale yazari: Tekin Yildirim Tarih, gün ve saat : 05. Agustos 2001 21:52:27:
Thurikê Tırki her roza newiye reyna dırino. Dewlete mezge isonu, aqlê isonu eve politika xoya qefçıle kerdo qılerın. Kemalizm eve derjena tortori kerdo sare. Coka, isonê Tırk mezgê xo devlete ra giredaiyo. Besenêkeno ke mezgê xo bıcero ra xo dest. Dewlete, mezgê pero isonu kerdo şuanê xo. Kamıj het ra benê bıbê, mezgê xo dewlete dero. Çhepci, rastci, dindari, bêdini, elevi pero. Mesela çhepci hirıs- çhewres sero verva dewlete lez danê. Hama,xona besenêkerdo kê laê xo, nakê xo dewlete ra, Kämê kor ( Kemalizm) ra bıxelesnê. Çhewres serre de besenêkerdo ke isonunê Tırkr ra % 05 boncê hetê xo. Nu çinai rê nia ro. Propaxanda çhepcu inamkar nê ya ke diaxê isonu cırê bêro. Dındari: Gegane gamê, dı gami erzenê MGK bêçıka mısnaene fino ra hawe dındari desındê lınge peyser erzenê. 1. Tıvarê xo hem xorê çino hem ki mıletê xorê çino, vanê: "teyna maneme, ceza danê ma" coka tersenê. 2. Zera isonunê Tırk partinê dindaru rê vêsena, propaxanda de, reydaene de phoş danê partinê xo, hama eke kot tenge, esker ke cızmê xo kerdi pay kunê qulazıkunê xo. Çepci, demokrati ki je dindarunê. Talip Erdoğan: Nara ses-haut seri ra ave qesei kerdo. Na qeseikerdene hata nıka werte nêvejiye. Çütir ke T.Erdoğan'i AK. Parti na ro hona na bandê qeseikerdene vejai werte. Mı na qeseikerdene gosdê. Zafı caude haqa mordemi esta. Rast vano! Gosdare ke lewe de ki destu kunê pia. Mesela vano " na anayasa 've sarexoss ( Sarhoş) kerda hazıre, nusna". Rast vano. Çınay re? Weşiya Rıza Nur'i bıwanê. uza de vinenê ke rast Mısto kor zu isono de sarexoso. Pêro emri ei ra vejinê, iê bin ki emru anê hurendi. Mesela dı'ine: İsoni ke laikligeni nêwazenê sıma besenêkene dewlete laik bıcerê (Dewlete qeytan zu dolme de idara laike nêarda). Hata roza ewroene keşi qeseikerdena Talip'i rê vengê xo nêvetı. dewlete ke Partiyê Refahi cadê, isonê refahi bi phoşdarê Talip Erdoğan'i. Dewlete u eskeri na phoştdareni ra tersai milise werte phoştdarunê Talip ra kaseti guret dave televizyonu. Televizyon, radon, gezetu ki eve resm u veng axme kerd. Medya Tırki dısmenê Tırk ya, Dısmenê demokrasi ya, ajanen, mılışe na dewlete u eskeriye kena. Talip Erdoxan ki eskeriye u doskaru rê ihbar kerd. Nıka ke seçim bıbiyenê belka ki Talip'i zaf rey guretenê. Medya Tırk ki nae ra tersenê. Tırkia de şuanê dewlete cıxa (medya) ke estê, guret Ak Parti u Talip Erdoğan'ira. Wazenê ke zu goçıke awe de bıxeneqnê. Hona vijeri morevaê hukmat Mesut'i "ulusal gürevlik" ra qal kerdene, vatenê: " Eve şiyaena Tırk'iya de ulusal güvenlik zu sendromo" serbestena fıkıri wastenê, sebi? Ewro Mesut ra qeytan vengı nêvejino. Leê eskeri de sarê xo fışt werte polunê xo. Zu welat de ke demokrasi wazenê gereke kamıj fıkır ra benê bıbê serbest fıkrê xo araze kerê, vazê. Tırk soder-sande demokrasi wenê, demokrasi kenê. Çepcu ke fıkrê xo va ke, rastci ke fıkrê xo va ke, dindaru ke fıkrê xo va ke doskar u savci qudur benê, MGK u şuane dine ke mecliste qudur benê. Demake demokrasi wastena nıne pêro zuro. Zu welatte, isonê i welat ke kamij idara waste gereke a idara bıbo haq u guna ki yê i isonuna.
Cumhuriyetê Tırk ke no ru, mebusunê meclışi verva cumhuriyeti vejiyê, nêwasto ke hilafet wedariyo. Ura dıme Mısto kor vejiyo ro kırşi ser, 've vengo perz qesei kerdo, perno ra mebusu ser, mebuşi tehdit kerde. mebusê mıleti mecburi dest finê ha wa ra, cumhuriyet qewul kenê.
Qazata mıllıyeti elevu sero zu nuste vet, şuane dewlete ke diyanet te vato:" Elevi Tırkia ra ca wazenê, Tırkia kenê lete, harita veta"! Na mordem, memurê dewleto, hem ki ırkçiyê Tırkio. Rozunê peênude dewlete eleviu ra zaf haskena! Coka taê wazenê ke mavenê dewlete u elevi xırave bo. Dewleta Tırki key ke elevi ra zaf haskerdo, elevi amê qırkerdene, amê kıstene. Dewlete elevi ra nia haskena. Kombiyaise elevi Tırkia de ilegalo, resmiyette dewlete elevi nêsılasnena. Kombiyayis verdana ra, çıke zonena ke meste-bêro elevi dewlete rê lozım benê, hetê ekonomi ra Tırkia herg roze ke şiye tene na kuna çamuri. Tırkia de qeytan kes dewlete ra zere wes niyo, Nê Zazai, nê Khurmanci, Nê Kartveli ( Laz'ı) , nê karkerdi, nê dewuji. Zeke corde ki mı vatibi isono Tırk ( taê zaza u khurru ki) mezga ra, aqıl ra bıne teşirê dewlete de rê, bıne teşirê Kemalizm de rê. Coka honda sav rê xo hirao, qolay qolay verva dewlete nêvejinê. Hadi vajime Tırk hetê maneviyat ra dımoçi kê xo dewlete ra, eskeriye ra giredawo, peki na derdê Zazau, Khurrmancu, Kartveliu çıko ke vengê xo nêvezenê? Nı pero xizmekare dewleta Tırk niyê ke ! Roz ve roze turıkê dewleta Tırki dırıno, lone ra boe pıxe vaydina. Polkenê, polnêkenê ke cırê dewa nêvınenê. Jê dımpıstıke çerexina, çerexina peyniye de axuyê xo keno xode, sarê xo wena.
Tekin Yildirim
