Fas

Wikipediya ra, ansiklopediya xosere


Desmale	Arma

Paytext Rabat

Suka tewr gırde Kasablanka

Zıwan

Erebki

Hokmet Monarşiy Qanuniy

Erd

- Pêro-pia 446,550

- % awe (%) 0.1

Nıfuse

- Pêro-pia 31,478,000

- Sıxletina nıfuse serê km² 66/km²

Yewiya Perey Dirhem (MAD)

Warey Saete 0

Kılmkerdışê pela interneti .ma

Kodê têlefoni +212

Fas mıntıqa ra zımeyê (şımalê) qıtay Afrika dero. Zımey (Şımalê) Fas de Deryao Sıpê (Deryao Miyanên) u İspanya; veroc (cenub) de Moritanya; (rocvetış, şerq) de Cezayir; rocawan (ğerb) de Oyanuso Atlantik estê. Paytextê Fas Rabato. Fas ezaê Mılliyetanê Yewbiyaiyan u Yewina (Jewbiyaena) Erebia. Sistemê siyasi-idarey monarşiy qanuniya; feqat Fas dewleta demokrat niya.

1 Tarix
2 İklim u Suki
3 Nıfus
4 İqtisad
5 Çımey

[bıvurne / bınusne] Tarix

Tarixê Fas zaf khuna. Ewelunra Berberun ronıştı bı. Feqat beneta serunra 200 - 800 da İmparatorina Roma u İmparatorina Bizansi erdê Fas işğal kerd. Seserra 8. da Emevi Erebun hıkum kerd u Berberun piyeri İslamiyet qebul kerd. Serra 711 da Fas (Emevi Erebun) İspanya işğal kerd. Seserran 19. da Fransa Fas işğal kerd u Fas biya koloniya/mıstemera Fransa. Eskerê Fransa Fas da zaf terteley kerd. Serra 1956 de Fas xo reyna ra, xoser ilan kerd.

[bıvurne / bınusne] İklim u Suki

İklimê Fas vuriyeno. Rocawanê (ğerbê) Fas da iklim weşa. Feqat rocvetışa (şerqa) Fas da hewa zaf germina; tiji zaf erzena. Rocvetışa (şerqa) Fas da colun zafa. Mıntıqa ra Oyanuso Atlantik da hewa zaf wenika.

Sukê (Bacarê) Gırdi:

1. Kasablanka, Nıfuse: 3,5 milyoni
2. Rabat, Nıfuse: 1,2 milyoni
3. Tangier, Nıfuse: 669,685
4. Agadir, Nıfuse: 678,596
5. Mohammedia, Nıfuse: 188,619

Sukê Kasablanka zaf raver şiya. Banê xeylê berzi u bınaê ke hetê mımarine de mıkemmel vıraziyaê, estê; bacarê dewizio, paytextê borsao, merkezê İqtısadê Fasa. Sukê Rabat merkezê siyasetê.

Xaritey Fas

[bıvurne / bınusne] Nıfus

Nıfusê Fas 31 milyono. % 90 şarê Fas ronışte rocawane (ğerbe) Fas. % 99 şare Fas Ereb u Berbera. Dinê Fas İslama; feqat taê İsewitino/Xrıstiyanino u Musewi ki estê. Merdumê ğeribi taêya. Zıwano resmi Erebkiyo; feqat xeylê merdumi Berberki qısey kenê. Nuskar u wendoğê xo zaf niya.