Lena Anderssen
Frá Wikipedia, hin frælsa alfrøðin
Lena Anderssen (fødd 26. september 1974 i Tórshavn) er ein føroysk-kanadisk songkvinna.
Lena hevur valt at liva dreymin um eitt lív sum yrkistónleikarar. Saman við manninum Niclas Johannesen hevur hon seinnu árini roynt seg uttanlanda og innanlanda. Í 2005 hava tey satsað miðvíst uppá danska marknaðin. Har hava tey spælt nógvar konsertir, givið fløgu Can't Erase It út, luttikið í nógvum útvarpsendingum, fingið fleiri frálík ummæli og hava verið á konsertferð saman við amerikonsku songkvinnuni Beth Hart.
Lagið Step On The Gas, av nýggju endurljóðblandaðu útgávuni av fløguni Can’t Erase It, hevur verið nógv at hoyrt í útvarpinum í Danmark. Í løtuni (juni 2006) byrjar Can’t Erase It at verða spælt í donskum útvarpi. Í løtuni arbeiða Lena og Niclas við komandi fløguni, ið verður givin út í Føroyum í næstum.
Lena er nógv ment sum songkvinna, tekstskrivari og tónasmiður. Hennara ómetalig inniliga rødd, rørir við hjarta, tá hon syngur sínar søgur. Lena er ein ómetaliga innilig songkvinna, og konsertir við henni eru altíð minniligar.
[rætta] Útvortis ávísing
- LenaMusic.com (enskt)
- MySpace.com - Lena Anderssen (enskt)
- Asfalt.fo (føroyskt, kelda)
