Taalfamylje
In taalfamylje is in grutte kloft talen dy't ûnderling etymologysk gearhingje en dêrom as besibbe beskôge wurde. Oft dy besibbens wier betsjut dat alle talen yn in taalfamylje altiten fan ien mienskiplike grûntaal ôfstamme, is lykwols lang net wis.
Tusken taalfamyljes komt by definysje gjin oarspronklike besibbens foar; wol kin letter ûntliening foarkomme. Dy besibbens yn in taalfamylje is lykwols net altiten like dúdlik. Sa waard it Keltysk eartiids net ta it Yndogermaansk rekkene, oant dochs in sibskip mei de Yndogermaanske talen fûn waard.
Guon taalfamyljes binne:
- Yndogermaansk
- Finsk-Ugrysk
- Baskysk
- Kaukasysk
- Semitysk
- Turkse talen
- Sinotibetaansk
- Oseanysk
- Yndianetalen
- Afrikaanske talen
Der is in teory dat alle taalfamyljes út deselde taal of prototaal ûtstean binne, wat de taalfamyljes stagen fan ien grutte taalfamylje meitsje soe. It is lykwols net ienfâldich om it al as net bestean fan in sibskip út in sa fier ferline te bewiizgjen.
