Musae
E Vicipaedia
Musae (-arum, f. pl.) deae Graecae sunt, filiae Mnemosynes (Memoriae) et Dios, quae poeticae et musicae ceterisque artium liberalium disciplinis praesunt: quare frequentissime eas invocant poetae, e.g. Virgilius in initio IV. Eclogae : "Sicelides Musae, paulo maiora canamus..."
In Monte Parnasso deae habitant. Musae choreas agunt ducente Apolline citharoedo.
Musae novem sunt:
- Clio historiae praeest,
- Euterpe tibiis,
- Thalia comoediae,
- Melpomene tragoediae,
- Terpsichore lyricis cantibus,
- Erato carminibus amatoriis,
- Polyhymnia pantomimis fabulis,
- Urania astronomiae,
- Calliope epico carmini.
Musae Latine etiam Camenae dicuntur.
