Postert
Van Wikipedia
- Dit artikel is gesjreve in 't Posters. 't Weurt gewaardeerd óm in dit artikel woe meugelik 't Posters aan te hawte.
Postert (Nederlands: Posterholt) is ein dörp in de gemènde Amb Mofert (Ambt Montfort) in Nederlands-Limburg.
Postert is ontsjtange es lintjdörp aan 't Vlaot (de Vlootbeek), wodoer 't 'n lengte van óngeveer 4 kilomaeter haet. Bezeenswaerdig is 't landjhoes Aerwinkel, ontworpe doer Pierre Cuypers. Postert lik oppe doergaonde waeg van Remunj nao Hinsberg. Ten wèste lik 't gehuch 't Räötsje, ten noordooste lik Vlórp, ten zuudooste, in Duitsland, lik Kerke (Duits: Karken). In 't noordweste lik Berg, wat door nuujboew lanksaam aan nao Postert toe aan 't greuje is.
Postert waas toet 1991 'n zelfsjtenjige gemènde. In dèt jaor ging 't mit Berg en Mofert op in 'n nuuj gemènde die eers nog Postert hoot mér nao 1994 Amb Mofert. Vanaaf 2007 zal Postert deil oetmake van 'n nuuj gemènde wo-in Amb Mofert en Roerdale zeen gefuseerd.
Biej Postert heure de volgende buurtsjappe:
- De Varsj - De Hols - De Borg
't Dialek van Postert ('t Posters) is besjreve in 't Posters Waordebook (2005; auteur Dr. Henk Kars).
