Vild

Van Wikipedia

Dit artikel is gesjreve in 't Valkebergs. 't Weurt gewaardeerd óm in dit artikel woe meugelik 't Valkebergs aan te hawte.

Mariakapel mèt modern madonna in Vild

Vild (Hollesj: Vilt) ies e gehuch in de gemeinte Valkeberg aan de Geul. 't Dörp liek aan de Rieksweeg en 'n paar ziewaeg, tösje Berg en Valkeberg, bovenaan de Cauberg. 'n Aantal mergele häöf en hoezer liegke aan dae groate weeg en aan de Geulgrach en Subberweeg. Aan deze weeg nao Sub bevingk ziech 'ne groate carréboerderiej mèt twiè róndbaog-inriejpoorte. Van Vilt löp nao Valkeberg, door de heuvele, 'n sjtiel gröb bergaaf, langswoa in vreuger jaore de doaje nao de kèrk woorte verveurd, de zoageneumde Liekwaeg.
De naam van diet dörp zou kómme van 't woord 'veld'; in ouw sjepebeuk kump me de naam ouch waal tege es 'Veeldt', 'Velt' en 'Vylt'.

Vild ies veural bekènd van de Heuvelland Veerdaagse, die eder jaor in de umgeving van diet dörp weurt geloupe. Hieaan doont de lètste jaore ruum 4000 wandelaersj mèt.

't Plaetske haet gein eige kèrk en behuèrt tot de parochie Berg. Waal liek d'r ein katholieke basissjoal. Op 'ne driesjprunk mèt de Rieksweeg sjteit 'n Mariakapel mèt 'n modern madonna.

[bewirk] Dialek

't Dialek wat ze in Vilt kalle ies geliek aan dat van 't Valkebergs, (Boete de Paort).

Sjeng Rouvroye ies 'ne sjriever en regisseur van dialektoneelsjtökker,
Huub Duijzings, sjriever van dialekverhaole

[bewirk] Inweunersj

Guus Sjmeets, gebore in Valkeberg, ies zenger en componis van dialekmuziek.
Erik Ubachs, lid van de Limburgse band De Bokkeriejers.

[bewirk] Dörpsvereiniginge

Sjötterie de Nachwach (Het Nachtwachtgilde)
Harmonie Armicitia
Toneelvereiniging De Vriendenkring
Carnavalsvereiniging d'n Törk
Jonkheid Vilt

Gemeinte Valkeberg aan de Geul
Dörper: Berg \| Brokem \| Houtem \| Oud-Valkeberg \| Sjin op Geul \| Sub \| Valkeberg \| Vild
Buurtsjappe en gehuchte: Boete de Paort \| D'n Emmaberg \| Geulem \| De Hièk \| De Hièkerbeek \| Hièrewaeg \| Iezere \| Ingwege \| Keuteberg \| De Nerem \| Oas \| De Plenkert \| Sint Gerlach \| Sint-Pièter \| Sjoanbrón \| De Sjtoepert \| Sjtraobaek \| Sjtröch \| Terbliet \| Vroenhof \| Walem