Транссексуалност
Од Википедија, слободна енциклопедија
На оваа статија ѝ е потребно правилно форматирање, категоризирање, граматика, интервики и слично. Може да помогнете со тоа што ќе ја уредите и трансформирате во стандардна вики-статија.
Транссексуална е личноста која чувствува, верува дека е заробен/а во тело на спротивниот пол. Оваа состојба уште е позната како gender disphoria, што значи несреќа или незадоволство поради својот пол. Транссексуалците се кандидати за операцијата за промена на полот која започна со случајот на Кристин Џоргенсон. Терминот "транссексуален" се користи и за периодот пред и за периодот по операцијата. Постојат два вида на транссексуалци: личности во тела на мажи кои мислат дека се жени (male-to-female transsexuals) и личности во тела на жени кои мислат дека се мажи (female-to-male transsexuals). Машките кон женско транссексуалци се повеќе склони кон барање помош и почесто подлежат на операции, дел и затоа што се опeрациите во тие случаи полесни. Имајќи ја во предвид разликата помеѓу полот и сопственото доживување на полот, важно е да се примети дека транссексуалноста не е проблем на сексуално однесување, туку на полот и половиот идентитет. Тоа значи дека транссексуалната личност не е преокупирана со некој посебен вид на сексуално однесување, туку со желбата да биде женско ако е нејзиното тело машко.
[уреди] Операција на промена на полот
Операцијата на промена на полот е комплексна и се состои од неколку фази.
Првиот чекор во процесот е многу внимателното советување и психијатриското проценување. Многу е важно да се утврди дали е личноста навистина транссексуална, односно, дали нејзиниот полов идентитет не се согласува со нејзиниот пол. Некои луѓе погрешно бараат промена на полот. Шизофреничарите понекогаш покажуваат таква конфузија со половиот идентитет, која може погрешно да се протолкува како транссексуалност.
Следниот чекор е хормонална терапија. На машкиот кон женско транссексуалец му се дава естроген кој мора да го прима до крајот на животот. Естрогенот постепено доведува до процес на некаква феминизација. Градите се зголемуваат. Моделот на распределба на масти во организмот станува женски, а колковите се заоблуваат. Ќелавоста, ако започнала, тогаш престанува. Лачењето на простатата престанува и конечно исчезнува и ејакулацијата. Ерекциите стануваат се поретки и поретки, феномен со кој транссексуалците се многу задоволни, затоа што тие ги потсетуваат на несаканиот пенис. На женските кон машко транссексуалци им се даваат андрогени кои доведуваат до постепена маскулинизација. Може да расте брада. Гласот се продлабочува. Моделот на распределба на масти во организмот станува машки. Клиторисот се зголемува, иако ни близу до големината на пенисот и станува поеректилен. Структурата на карличните коски, се разбира, не може да го промени обликот, како што ниту градите не исчезнуваат, освен по пат на операција.
Следната фаза е "тестирање на вистинскиот живот" кога од личноста се бара да живее како член на новиот пол во период од една до две години. Ова се прави за да се провери дали е личноста во можност да се прилагоди на улогите на новиот пол. Идеата е уште еднаш да се провери дали личноста нема да се кае кога операцијата веќе ќе заврши. Некои транссексуалци, дури и без консултации со доктор, спонтано влегуваат во таа "травестит" фаза во своите напори да станат жени.
Последниот чекор е самата операција. Кога се во прашање машките кон женско транссексуалци, нив им се отстрануваат пенисот и тестисите, но без прекинување на сетилата на пенисот. Надворешните полови органи потоа се реконструираат да изгледаат што може повеќе како женски. Потоа се конструира вештачка вагина длабока од 15 до 20 сантиметри. Таа е обвиткана со кожата на пенисот за да ги има сите нервни завршетоци кои можат да одговараат на сексуалната стимулација. Шест месеци потоа вагината мора да биде проширена со пластична справа за да не зарасне. Можат да бидат направени и други козметички операции, како што е отстранување на Адамовото јаболко.
Операцијата од женски пол кон машки е многу посложена и генерално многу помалку успешна. Пенисот и тестисите се конструирани од ткива од гениталниот предел. Пенисот, за жал, нема ерективен капацитет, во некои случаи се вградува крута силиконска гума, така да пенисот може да влегува во вагината и на тој начин се овозможува сексуален однос.
Дефинитивната причина за транссексуалноста не е позната. Едно од мислењата е дека е можеби долг од некое пренатално изложување на хормони од погрешен пол, што предизвикало поинаква мозочна диференцијација. Две студии го проучувале нивото на хормони кај транссексуалците пред операцијата на промена на полот, една кај транссексуалците од машки кон женско, а другата кај транссексуалците од женски кон машко. Двете студии покажале дека нивото на хормони е во нормални рамки на "оригиналниот" пол (не на полот кој сакаат да станат), што покажува дека транссексуалноста не е резултат на хормонално пореметување. Една од идеите е дека транссексуалноста е резултат на раната социјализација и учење. Машките кон женско транссексуалци се многу почести од женските кон машко во размер од 3:1.
