Svalbardposten
Frå Wikipedia – det frie oppslagsverket
Svalbardposten er ei vekeavis, etablert i november 1948. Avisa har hovudkontoret sitt i Longyearbyen på Svalbard. Formatet er A4, og trykkinga skjer i Tromsø. Avisa kjem ut kvar fredag. Avisa har for det meste saker knytt til stadane Longyearbyen, Svea, Barentsburg og Ny-Ålesund.
Svalbardposten oppstod som ei veggavis, med normalt fire sider som vart sett opp på brakkene. I denne tida vart avisa skildra som «til tider artig», men med «ganske lite informasjon og seriøsitet» og lite lokalstoff.
Avisa har med tida vorte meir «profesjonell» og vart kåra til «Årets lokalavis» av Landslaget for Lokalaviser i 1996 og 2000. I tillegg har avisa fått ymse heiderleg omtale.
Etter økonomiske vanskar mot slutten av 1980-talet og ei organisering som gjorde Justisdepartementet til ansvarleg utgjevar, vart det gjort ei omorganisering av drifta. Frå 1996 vert avisa utgjeve av ei eiga stifting. I 1997 lanserte avisa sin eigen nettstad, men utan så mykje nyhendestoff.
I redaksjonelle stillingar vert det gjort tilsetjing på åremål, med høgst fire års tenestetid.
Svalbardposten er den nordlegaste avisa i verda.
[endre] Opplag
- 2003: 3224
- 2004: 3271
[endre] Redaktørar
- Kjartan Olsen 1948–1949
- Thoralv Lund 1949–1950
- Alf Sørensen 1950–1951
- Arne Aulie 1951–1953
- Karl Nusser 1953–1954
- Øyvind Haddeland 1954–1955
- Hans Engebretsen 1955–1956
- C. E. Sollie 1956–1957
- Einar Nesje 1957–1958
- K. R. Nordbøe 1958–1959
- Odd Sverre Knutsen 1959–1960
- Alf E. Heggelund 1960–1961
- Hans Engebretsen 1961–1964
- Svein Jensen 1964–1966
- Odd Madsen 1966–1967
- Herleiv Alvheim 1967–1971
- Erik Gabrielsen 1971–1972
- Gudbrand Grøt 1972–1973
- Herleiv Alvheim 1973–1976
- Bjørn Hansen 1976–1977
- Otto Risanger 1977–1978
- Lilleba Knudsen (kst. 1978)
- Kristian Hus 1978–1979
- Kjetil Anthonsen 1979–1980
- Pål Skogmo 1980–1983
- Vibjørn Madsen 1983–1984
- Svein Haaland 1984–1986
- Mette Bleken 1986–1989
- Kjetil Anthonsen 1989–1991
- Tor Ole Ree 1991–1995
- Kjetil Anthonsen 1995–1997
- Nils Lorentsen 1997–1999
- Arne O. Holm 1999–2002
- Torbjørn Pedersen 2002–2004
- Birger Amundsen 2004–
