Ciumi di l'Amazzoni
From Wikipedia
Lu Ciumi di l’Amazzoni (6.180 km, cumprisi li surcenti di l'Ucayali) è nu ciumi dâ Mèrica miridiunali ca sfocia nta l'Ocèanu Atlànticu.
Chî sô affruenti custituisci lu cchiù granni bacinu idrugràficu dû munnu.
Havi na purtata di 100.000 m³/sèc; lu sô bacinu mbriferu (cumprisu chiddu dû Tocantins è di 7 miliuna di km² e cumprenni lu basciuchianu amazzònicu na parti dû Massicciu dâ Guayana a nord, dû sistema andinu e di l’àutichiani di lu Brasili a sud.
Puliticamenti lu bacinu apparteni a Brasili, Bolivia, Perù, Ecuaturi, Colombia, Venezzuela, Guyana, Surinami, Guayana Francisa.
Di Manaus lu ciumi scurri supra na coltri cchiù o menu spessa d’ arcilli e rini fluviali. La scarsa punnenza favurisci la furmazzioni di miandri e di rami morti.
Lu ciumi pigghia lu nomu di Ciumi di l’Amazzoni di Iquitos, ma ntô cursu mediu veni chiamatu macari Solimões. È furmatu di l'unioni dû Marañón (ca nasci nta l’ Andi piruviani a 3.653 m s/m) e di l'Ucayali (ca nasci ntâ Curdigghera Uccidintali a 5.600 m s/m).
Ntô cursu mediu-vasciu di lu ciumi sunnu prisenti lacuni, canali latirali (furos) e lachi.
Lu stuariu si grapi a valli di l’ìsuli Mexiana e Caviana, cu n'anchizza di circa 200 km.
La granni ìsula di Marajo lu sipara dû Tocantins, ca sfocia ‘n mari cu nu stuariu minuri.
Lu Marañón è suggettu a dui chini (dicèmmiru-frivaru e aprili-giugnettu); prucidennu versu valli li dui chini vennu funnènnusi ‘n una sula c’avanza veru lintamenti versu lu mari. Duranti sti chini un sestu circa di lu bacino veni summirciutu, st'area veni chiamata varzea e si contrapponi â tierra fermas , l'area ‘n cui l'acqua nun junci.
La marea, duranti lu pirìudu di magra, porta li sô nfrussi nzinu a Obidos.
L'unna di frussu duranti li siggizzii rimonta viulintimenti lu stuariu, criannu n'unna enormi ca di l’inniggeni veni chiamata pororoca.
Tra l’ affruenti dû Ciumi di l’Amazzoni lu cchiù mpurtanti è lu Madeira (3.350 km), furmatu di lu Beni e di lu Mamoré. Pi mpurtanza sècunu: Tapajós, Xingú, Rio Negro.
La riti navigàbbili ufferta dû Ciumi di l’Amazzoni e dî sô affruenti è di 50.000 km circa.
S’hannu nutizzii ca Pinzon juncìu la foci dû ciumi ntô 1500, ma nun è chiaru siddu ricanuscìu lu ciumi, ‘n quantu parrau di costa e nun di riva/ribba dûn ciumi.
Certa la spidizzioni di Francis de Orellana (1540-1541) ca ci detti stu nomu a causa dî fìmmini guirreri ca dicìu d’aviri ncuntratu.
Li surcenti di lu ciumi vinniru splurati sulu ntô 1941 di Bertrand Flornoy.
[cancia] Affruenti
Dû nizziu â foci.
- Rio Napo (di manca)
- Rio Javari (di dritta) o Yavari
- Rio Jandiatuba (di dritta)
- Rio Iça (di manca)
- Rio Jutaí (di dritta)
- Rio Juruá (di dritta)
- Rio Japura (di manca)
- Rio Tefé (di dritta)
- Rio Coari (di dritta)
- Rio Piorini (di manca)
- Rio Purus (di dritta)
- Rio Negro (di manca)
- Rio Madeira (di dritta)
- Rio Uatamã (di manca)
- Rio Nhamundá (di manca)
- Rio Paru de Oeste (di manca)
- Rio Tapajó (di dritta)
- Rio Curuá (di manca)
- Rio Maicuru (di manca)
- Rio Uruará (di dritta)
- Rio Paru (di manca)
- Rio Hingu (di dritta)
- Rio Jari (di manca)
[cancia] Citati supra li sô rivi/ribbi
Dû nizziu â foci.
- Nauta
- Iquitos
- Pebas
- Caballo Cocha
- São Paulo de Olivença
- Santo Antonio do Iça
- Fonte Boa
- Tefé
- Coan
- Anori
- Manaus
- Careiro
- Itaquatiara
- Urucurituba
- Parintins
- Obidos
- Santarem
- Prinha
- Almeirim
- Gurupá
- Mazagão
- Porto Santana
- Macapá
- Afua
- Chaves
La fonti di st'artìculu è Uichipidia Taliana:
