Arthur Masson
Èn årtike di Wikipedia.
Arthur Masson (1896-1970) fourit on sicrijheu e francès del Walonreye, mins avou, divins ses lives, des cåzaedjes e walon.
Il a vudî ene boune trintinne di lives, copurade inte 1940 et 1960. Ses lives racontèt li vicåreye des ptitès djins el Walonreye di ces trevéns la. Si mwaisse persounaedje est Twane, li mayeur di Trignole (èn acmaxhaedje des nos des vraiy viyaedjes di Tregne et d' Matignole), on bon vicant nén trop sûti.
L' Arthur Masson esteut eto, sol costé, on scrijheu e walon, mimbe des Relîs Namurwès. P år e walon, il a scrît deus coûtès pîces di teyåte, Li nouvia mwaisse di scole et Li lete di Nouvel An, ey ene cwénzinne di fåves, rimeas et tchansons (Les Cahiers wallons, 1954 et 1996). Gn a onk di ses rimeas, el vî batea k' a stî metou e muzike pa Julos Beaucarne e si plake Co ene rawete (2000).
