Carpo (Mond)
Us der alemannische Wikipedia, der freie Dialäkt-Enzyklopedy
 |
Der Artikel beschäftigt sich mitem Mond Carpo vum Planet Jupiter, anderi Bedütige vu dem Begriff findener under Karpo |
| Entdeckig | |
|---|---|
| Entdecker | Scott S. Sheppard Brett J. Gladman John J. Kavelaars |
| Datum vu de Entdeckig | 9. Februar 2003 |
| Date vum Orbit | |
| Middlerer Bahnradius | 16.989.000 km |
| Bahnexzentrizität | 0,4297 |
| Umlaufzitt | 456,10 Däg |
| Inklination | 51,395° |
| Natürlicher Satellit vum | Jupiter |
| Physikalischi Date | |
| Middlerer Durmesser | 3 km |
| Oberflächi | |
| Masse | ~4,5×1013 kg |
| Dichti | 2,6 (?) g/cm3 |
| schinbari Helligkait | 23,0m |
| Gravitation an de Oberflächi | ~0,0015 m/s2 |
| Siderischi Rotation | ubechannt |
| Naigig vu de Rotationsax | ubechannt |
| Albedo | 0,04 |
| Oberflächetemperatur | ? |
| Atmosphärischer Druck | chai Atmosphäri vorhande |
 |
Dialäkt: nördl. Markgräflerisch |
Carpo isch ainer vu de chlainste Mond vum Planet Jupiter.
[ändere] Entdeckig
S/2003 J 20 isch am 9. Februar 2003 vu de Astronomen Scott S. Sheppard, Brett J. Gladman, John J. Kavelaars, Jean-Marc Petit, Lynne Allen, David C. Jewitt un Jan Kleyna entdeckt worre. Der Mond het am 30. März 2005 de offizielle Namme Carpo (nooch de Hore Karpo) vu de Internationale Astronomische Union (IAU) erhalde.
[ändere] Bahndate
Carpo umchraist de Jupiter ime middlere Abstand vu 16.989.000 km in 456 Däg, 2 Stund un 24 Minute. D'Bahn wiist ä großi Exzentrizität vu 0,4297 uf un Carpo isch de usserst prograd (rächtläufig) Jupitermond, d. h. de usserst Jupitermond wo Jupiter in de gliche Richtig umlauft wie säller sich um si aigeni Ax drillt.
Wie Themisto schint Carpo chainere vu de übliche Gruppe vu de Jupitermonde az'ghöre, wo ähnlichi Bahnaigeschafte ufwiise. Ihri Inklination (Bahnnaigig) entspricht im Grenzwert vum Kozai-Effekt, bnennt nooch Yoshihide Kozai wo säll Phänomen 1962 entdeckt het. Säller Effekt bewirkt ä periodische Wexel zwische de Exzentrizität un de Inklination. Isch d'Inklination groß gnueg, cha d'Exzentrizität wiiderum so groß werre, dass der Himmelskörper uf sinere Periapsis (engster Abstand vu Jupiter) in d'Nächi vu de große galileischen Mond (Io, Europa, Ganymed un Kallisto) glangt. Säll chönnte dodezue führe, dass Carpo irgendwenn mit ainem vu de große Monde kollideert oder dur dere gravitativi Chräfte ussem Jupitersystem gschleuderet wird.
[ändere] Physikalischi Date
Carpo bsitzt ä Durchmesser vu etwa 3 km. Ihr Dichti wird uf 2,6 g/cm3 gschätzt, falls si iberwiigend us silikatischem Gstai ufbaut si sott. Sie wiist ä sehr dunkli Oberflächi mit ere Albedo vu 0,04 uf, d. h., bloß 4 % vum ifallende Sunneleecht werre reflekteert. Ihri middler schinbari Helligkait betrait 23,0m.
Der Artikel basiert uf ´ra freie Ibersetzung vum Artikel „Carpo (Mond)“ us dr dytsche Wikipedia.
