Gäu (Bezirk)
Us der alemannische Wikipedia, der freie Dialäkt-Enzyklopedy
Ds Gäu («s'Göi» gnennt) isch e Bezirk vom Kanton Soledurn und lyt zwische Olte und Soledurn.
Begränzt wird dr Bezirk im Norde vo dr erschte Chetti vom Jura, im Weschte vo dr Kantonsgränze gäge s'Bipperamt und im Süde vo dr Aare. Ds Gäu wird vo de zwe wichtigschte Autobahne vo dr Schwyz durquert, vo dr A1 und vo dr A2 wo sich am Autobahnchrüz Harchinge vereinige. Ufgrund vo dr guete Verkehrslag hed sich ds Gäu syt em Nationalstrassebau stark veränderet und es hei sich etlichi Logistikfirme entlang vo ihne agsammled. Absyts dervo hed ds Gäu sy ländlich Charakter guet chöne bhalte.
Dr Bezirk Gäu hed e Flächi vo 62.02 km² und isch Ändi 2005 vo 17'148 Lüt bewohnt wurde.
[ändere] Wappe
- Zwöimal teilt von Rot, Silber und Schwarz
[ändere] Gmeinde
| Wappe | Gemeind | Ywohner (Dez. 2005) |
Flächi in km² |
BFS-Nr |
|---|---|---|---|---|
 |
Egerchinge | 2879 | 6.93 | 2401 |
 |
Härchinge | 1243 | 5.57 | 2402 |
 |
Kestenholz | 1672 | 8.59 | 2403 |
 |
Nöiedorf | 1904 | 7.13 | 2404 |
 |
Niederbuchste | 967 | 5.49 | 2405 |
 |
Oberbuchste | 1829 | 9.39 | 2406 |
 |
Önzige | 4610 | 12.03 | 2407 |
 |
Woufu | 2044 | 6.89 | 2408 |
| Total | 17'148 | 62.02 | 1101 |
Dr politisch Bezirk Gäu sett me nid mit dr Region Soledurnischs Gäu verwächsle. Si isch meh historisch prägt und es ghöre zuesätzlich zu de Gäuergmeinde ou no d'Untergäuer Gmeinde Gunzge, Fulebach, Chappu, Bonige, Hägedorf ond Chlywange - e Teil vom Dorf Wange bi Oute derzue.
