Postleitzahl
Us der alemannische Wikipedia, der freie Dialäkt-Enzyklopedy
D' Postleitzahl (PLZ; englisch postal code; USA ZIP Code) isch ee Ziffere- oder Buechstabe-/Zifferekombination innerhalb vu Postadresse uf Briefe, Pakete oder Päckli, wo dr Zuestellort igrenzt.
Funktionell ähnlet e Postleitzahl dr Telefonvorwahle un Kfz-Kennzeiche bzw. den Amtliche Gmeischlüssel.
Inhaltsverzeichnis |
[ändere] Schribwiise
D'Schribwiise vu Postleitzahle reglet in Dytschland d'DIN 5008. Demnooch werre Postleitzahle nit dur Leerzeiche oder ähnlichs underglideret.
[ändere] Gschichte vu der Postleitzahle
Zum erste Mol isch 1853 vu dr Postverwaltig vu dr Thurn und Taxis mit Hilf vu Ringnummerestempel ermöglicht worre, Örter us eme Zahlecode z'erchennen. Carl Bobe het 1917 Dytschland in Großrüüm, regionali Beriiche un örtlichi Beriiche ime Organisationsschema glideret.
Am 25. Juli 1941 isch in dr Verfüegig 407/1941 im Amtsblatt vum Riichspostministerium d'Ifüehrig vu Leitgebiite bechannt gä worre. Sälli hän zuenächst numme fer dr Paketdienst golte. Es het 24 Päcklileitstelle mit Unterleitstelle gä, wo vu 1 bis 24 durchnummeriert gsi sin. Die Gebiite hän in etwa dr Oberpostdirektionsbezirke entsproche. Ab em 19. Oktober 1943 het des System au fer dr Briefdienst golte. Sit 1944 isch d'Bevölcherig ufgforderet worre, die Zahle z'nutze. Es isch usserdem e Anpassig vu dr Gebiite erfolgt, so dass au Kombinatione us Zahle un Buechstabe verwendet worre sin, wie z.B. 5b fer Ostpraisse.
Es git verschideni Meinige dorüber, ob d'Leitgebiitszahle e Erfolg gsi sin oder nit. Fest stot, dass in dr 1950er Johre u.a. ufgrund vu dr Automatisierig vum Briefdienstes e Yberarbeitig vu er Postleitzahle erforderlich worre isch. Am 23. März 1962 isch under Postminister Richard Stücklen die nöi, viirstellig Postleitzahl igfüehrt worre. Bereits am 3. November 1961 sin sälli im Amtsblatt vum Minister fer Post- un Fernmeldewäse Nr. 126 bechannt gä worre. S'Verkehrsgebiet isch no in 7 Leitzone underdeilt gsi, sälli wiiderum in bis zue 10 Leitrüm, jeder Leitruum in bis zue 10 Leitberiiche. Die viirt Stell het dr Postort agä.
Noochem Bitritt vu dr DDR isch ä Nöiorganisation vu dr Postleitzahlen dringend notwendig worre. Meh wie 800 Postleitzahle ware sowohl in Ost- als au Westdytschland vorhande. Die am 1. Juli 1993 igfüehrt fümfstellig Postleitzahl isch dur e riisige Werbekampagne vorbereitet worre, die under anderem d'Fingerfigur Rolf begleitet het. Die etwa 30.000 nöie Postleitzahle sind rein numerisch un geographisch ufbaut. Usgoend vu 83 Briefzentre gen die erste beide Ziffere d'Region a, d'Ziffere dri bis fümf zeige a, wo dr Empfänger wohnt un wie er si Post erhaldet (Zuestellig, Postfach) un ob er Großchunde isch.
Bis 2003 hän nooch Agabe vum Weltpostverei 117 Staate Postleitzahle igfüehrt. Am Afang vu 2005 het die irisch Regulierigsbehörde (ComReg) d'Ifüehrig vu Postleitzahle achündigt.
[ändere] PLZ-Systeme
- Australie
- Belgie
- Bulgarie
- Dänemark
- Dytschland
- Guatemala
- Griicheland
- Großbritannie
- Finnland
- Frankriich
- Italie
- Kanada
- Kroatie
- Mexiko
- Niiderlande
- Östriich
- Portugal
- Rumänie
- Schweden
- Schwyz inklusive Liechtestei
- Spanie
- Thailand
- USA
[ändere] Staate ohni Postleitzahle
- Benin
- Burkina Faso
- Ghana
- Irland (Einführung angekündigt 2005)
- Kolumbien
- Mali
- Peru (Einführung geplant)
- Togo
- Namibia
- Chile
[ändere] Weblinks
- Gschichte vu dr Postleitzahle
- PLZ-Suechi Dytschland
- Übersichtliche PLZ-, Orts- un Vorwahl-Suechi fer Dytschland
- PLZ-Systeme vu verschidene Länder
- Verknüpfte Postleitzahlesuechi mit Vorwahl un Referenz zue Wikipedia
- Regionali Suech un Zämmenfüehrig vu Örter un Postleitzahle
- Alli Postleitzahle in Dytschland
- Internationali PLZ
- Postleitzahlcharte (2,2 MB PDF)
- Infos zue Örter, PLZ uvm. (Fer Software-Entwickler)
