Rengschburg
Aus Wikipedia
Rengschburg (hochdeitsch: Regensburg) is de Hauptstod vo da Obapfoiz. In da Stodt wohna heid an de 151.000 Leid. Rengschburg liegt am neadlichsten Punkt vo da Donau.
[bearbeiten] Gschicht
Rengschburg is no von de Röma ois "Castra Regina" gründet worn. Im Mittloiter woar Rengschburg a reiche Reichstodt. Vo 1663 bis 1803 woar Rengschburg da Sitz vom immerwearnden Reichstog. Erst 1803 is Rengschburg dann zu Baiern kumma. Im zwoatn Wäitkriag is Rengschburg so guat wia unzersteart bliam, so dass de Oitstodt se bis heid erhåitn hod.
[bearbeiten] Wos gibts zum seng?
Wahrzeichen vo da Stodt sand da Dom und de Stoanerne Brückn. Weider sollt ma se as Oide Rathaus mit seina Folterkammer oschaung. Wos ganz Bsonders san a de sogenanntn Gschlechtertürm, de se de reichn Kaufleid vo da Stod fria baut ham, damits eanan Reichtum noch außn zoagn.
[bearbeiten] Bildung
Aiso in Rengschburg gibts a a Uni, de 1962 baut woan is. Heit is de Uni eigantlich weniga weger da guadn akademischen Ausbuildung bekannt ois wega de Baumängel. Teilweis is de nämlich scho ziemlich am ausanandfoin. Außa da Uni gibts no a Fachhochschui.
