Eil kantved

D'ar 1^añ Genver 101 e krog an Eil kantved hag echuiñ a ra d'an 31 Kerzu 200.

Taolenn

Sevenadurezh Mogollon-Hohokam e mervent ar Stadoù-Unanet.
- Bog kêriadenn Hohokam Snaketown, en Arizona, etre ar bloaz 1 betek 1200. En em astenn a ra kêr war ouzhpenn 120 ha. Mozaikennoù leurioù-ti, puñsoù, savennoù, c'hoarioù polotenn hag atalieroù poderezh.

Degaset an dremedal da Afrika roman e deroù ar c'hantved.
- A-drugarez d'an dremedal e vez advevaet an darempredoù etre Afrika Zu ha Norzhafrika. Anavezout a reer tri strollad kantreerien a veve er Sahara da neuze : an dTouboued er reter, kostez Tibesti, an Douareged e-kreiz, e bro an Hoggar, hag ar Sanhadjaed er c'hornôg eus tu ar meurvor atlantel. Reoliek eo an darempredoù etre an Douareged ha Roma. Dizoloet ez eus bet traezoù a orin roman e-barzh bezioù kantreerien er Sahara.
Roudoù kristen a gaver e Kartago kerkent hag ar I^añ kantved. Degaset eo bet ar relijion nevez gant misionerien eus ar reter a veze avielet ar c'humuniezhioù yuzev ganto. Kalz a feizidi nevez zo bet stummet ganto. E-tro kreiz an eil kantved eo prezegennerien deuet eus Italia a gemer lec'h Reteriz. A-benn dibenn ar c'hantved en em astenn levezon ar relijion gristen betek kêrioù Numidia. Kregiñ a ra an handeerezhioù kentañ e-tro 180.
Adal an Eil kantved e kroger da c'hounit gwiniegi hag olivezenned e Norzhafrika. Ed a c'hounezer ivez. Desavet e vez muioc'h-mui a gezeg, pennoù-saout, givri ha deñved ivez. Kalz a loened ferv a vez pourchaset da Roma evit c'hoarioù ar sirk..
Kregiñ a ra rouantelezh Aksoum da zont war-c'horre.

Tiernelezh Pugyel e Tibet diouzh hengoun an Eil-III^e kantved. Aozet eo ar gevredigezh dre glanioù renet gant aotrounez dizalc'h ha kevredet dre zimeziñ moarvat. Meneget eo Tibet gant bloazlevrioù Sina. Anvet eo "Tufan".

Merket-kreñv eo an arz boudaek e Gandhara gant levezon an hellennegezh
Mestr eo tiernelezh Pandya war su India (Eil-XIV^vet kantved).
Tiernelezh Chera e su pellañ India (Kerala) betek an X^vet kantved. Dispakañ a ra he beli war ar vro dravidek e-tro dibenn ar c'hantved. Hervez Śilappadikâram Ilangô Adigal, e vije bet klasket aloubiñ traoñienn Ganga gant unan eus ar rouaned-se : Senguttuvan.
Skrivet eo an Nâtya-śâstra (eil-IV^e kantved), ennañ diazez teorikel holl stiloù an dañs klasel India.

En em staliañ a ra ar Saksoned ha pobl kar ar Frisoned en norzh d'an Elba ha war aodoù Mor an Hanternoz. Preizherien anezho e plantont freuz ha reuz war aodoù Enez Vreizh ha Galia.
Lec'hiad Feddersen Wierde en aber ar Weser.
Kaoter arc'hant fetis Gundestrup e Skandinavia, kinklet gant arvestoù lidel, olifanted, naered, brezelourien ha doueed. Kelt a orin ez eo un testeni eus an darempredoù armerzhel etre Skandinaviz hag ar Gelted.
Gouarnet eo an Impaleriezh roman gant ar "Pemp Impalaer Mat" (96–180) – Nerva, Trajan, Hadrian, Antoninus Pius, ha Mark Aorel.

Rabbi Akiva
Mark Aorel
Cai Lun, ijiner sinaat
Commodus, impalaer roman a embann bezañ Herkulez adenkorfet
Galen (Pergam, 131 - Roma, 201), mezeg gresian, korfadurour ha renabler anaoudegezhioù mezegel e amzer.
Hadrian (76 - 138), impalaer roman (117 - 138).
Sant Irenaeus, eil eskob Lyon
Montanus, disivouder kristen
Nagarjuna, bet savet ar voudaegezh Madhyamaka gantañ
Antoninus Pius
Plin ar yaouankañ
Plutark
Ptolemaios (e-tro 90 - 170), steredoniour ha jedoniour gresian.
Trajan
Septimius Severus
Suetonius, istorour roman
Valentinius, brudetañ Gnostik kristen
Zhang Daoling, manac'h Taoour, an divarvel

Ijinet stur stambod e Sina.
Ijinet ar paper gant Cai Lun e Sina (e-tro 105).
Renablet ha marilhet an holl stered a c'hall Mab-den gwelet gant e zaoulagad gant Ptolemaios.
132: ijinet an douargrenvuzulier kentañ gant Zhang Heng