Dialatt bulgnais
From Wikipedia
 |
Cla pâgina qué l'è stè scrétta in dialatt bulgnais. |
Al bulgnais l é al dialàtt dla zitè ed Bulåggna, capitèl dla Regiån Emégglia-Rumâgna. Defâti, al bulgnais al n é brîsa un dialàtt isolè, mo al fà pèrt d un grópp pió grand, quall di dialétt emigliàn-rumagnû, cum as dîs anc int un sît dla Raid ch’l é cgnusó in tótt al månnd, quall dl Ethnologue, ch’al descrîv tótt al vanizén ed längv ch’ai é spargujè pr al pianaid: A structurally separate language from Italian, cómm dîr “Una langua con na strutûra separè da qualla dl itagliàn”. Äcco parché l é inpurtànt che al bulgnais an s pêrda brîsa: parché l é un pèz d una cultûra linguésstica uriginèl, che sänza ló e i sû fradî (al mudnais, l arzàn, al parmsàn, al piasintén, al frarais, al ravgnàn, al riminais e vî ed ste pâs) la sparirêv par sänper, e quasst al darêv dân ala cultûra ed tótta l’umanitè.
[edit] I dialétt d'la pruvénzia ed Bulåggna
Bulgnais l é anc al nómm d un sått-grópp di dialétt emigliàn-rumagnû: al sô cunpunänt pió inpurtànt al srà anc quall dla zitè, però ai é däli ètri varietè, ch’äli én adruvè in canpâgna, in muntâgna ecz., cum as pôl vàdder que ed såtta:
- i dialétt canpagnû ed sîra (pr es. San Zvân, Bazàn e, in pruvénzia ed Môdna, Castelfrànc)
- i dialétt canpagnû ed maténna (pr es. Mnêrbi, Bûdri, Mulinèla)
- i dialétt canpagnû ed såtta (pr es. la Pîv ed Zänt, Galîra e, in pruvénzia ed Frèra, Zänt)
- i dialétt muntanèr ed mèz (pr es. Grizèna, Munzón, Dscargalèsen)
- i dialétt muntanèr èlt (pr es. Lizàn, Castión e, in pruvénzia ed Pistòja, Pèvna e Castèl ed Sanbûca)
Al dialatt bulgnais, cumpagn a tott chi éter dialétt itagliàn, l'a 'na leteratûra récca.
