Chomutov
El Vikipedio
Chomutov (prononcu Ĥomutov) estas urbo kun 52 000 loĝantoj. Estas ĉi tie reprezentita industrio de brulmaterialoj (brunkarbo) kaj energetiko (hidroelektrejoj), metalurgia (ferfabriko kaj laminatejo), maŝinindustrio kaj teksindustrio. Chomutov estas signifa trafikvojkruciĝo; kruciĝas ĉi tie fervojoj el urboj Karlovy Vary, Žatec, Most kaj Vejprty. La ĉirkaŭaĵo de la urbo estas dezertigita pro supraĵa minado de brunkarbo.
La urbo, menciata unuafoje al la jaro 1252, estiĝis en vojo ĝis Lepsiko. En la jaro 1264 ĉi tie Ordeno de germanaj kavaliroj konstruis komendon. Chomutov estas urbo ekde la jaro 1335. En husanaj militoj la urbo staris en katolika flanko, tial ĝi estis konkerita de Jan Žižka kaj okupita de praganoj. Ekde la jaro 1571 ĝi estis posedaĵo de familio Hasištejnidoj el Lobkovice, kontraŭ kies rekatoligemaj klopodoj eksplodis en la urbo en 1591 granda ribelo. En la jaro 1605 Chomutov fariĝis reĝa urbo. Dum la tridekjara milito ĝi estis kelkfoje prirabita de svedaj soldataroj. En la 16-a jarcento oni komencis en la ĉirkaŭaĵo de la urbo mini ferercon, kiu pli malfrue (precipe en la 1-a duono de la 19-a jarcento) fariĝis bazo de evoluo de la industrio kaj de la minado de karbo. En la jaro 1870 Chomutov estis aligita al la fervojo. En la jaro 1938 estis evakuita ĉeĥa loĝantaro, en la fino de la dua mondmilito Chomutov estis kelkfoje bombardita.
La kerno de la urbo konservis al si mezepokan bazplanon. La frue gotika komendo de la ordeno de germanaj kavaliroj el la 2-a duono de la 13-a jarcento kun konservinta preĝejo estis en gotiko kelkfoje alikonstruita kaj en la jaroj 1525 – 1530 reguligita al kastelo. En la jaro 1607 la urbo elaĉetis sin el servuteco kaj la kastelo estis reguligita en urbodomon. La urba turo estas el la jaro 1525. En placo staras kelkaj malfrue gotikaj, renesancaj kaj barokaj burĝaj domoj. La plej valora estas domo de Collins-Luther kun diamantaj volboj (hodiaŭ kafejo).
En la konstruaĵo de la urbodomo havas sidejon patrujgrafia muzeo kun ekspozicio pri historio de minado kaj metalurgio en la regiono.
| Regiono Ústí nad Labem | |
|---|---|
| ▼ | |
| Urboj kaj vilaĝoj en distrikto Chomutov | |
| ▼ | |
| Bílenice ~ Blatno ~ Boleboř ~ Březno ~ Černovice ~ Domašín ~ Droužkovice ~ Hora Svatého Šebestiána ~ Hrušovany ~ Chbany ~ Chomutov ~ Jirkov ~ Kadaň ~ Kalek ~ Klášterec nad Ohří ~ Kovářská ~ Kryštofovy Hamry ~ Křimov ~ Libědice ~ Loučná ~ Málkov ~ Mašťov ~ Měděnec ~ Místo ~ Nezabylice ~ Okounov ~ Otvice ~ Perštejn ~ Pesvice ~ Pětipsy ~ Račetice ~ Radonice ~ Rokle ~ Spořice ~ Strupčice ~ Údlice ~ Vejprty ~ Veliká Ves ~ Vilémov ~ Vrskmaň ~ Všehrdy ~ Všestudy ~ Výsluní ~ Vysoká Pec | |
| ▲ | |
| Distriktoj de Ĉeĥio | |
| ▲ | |
| Regionoj de Ĉeĥio | |
