Norda Eŭskio
El Vikipedio
Geografio > Eŭropo > Eŭskio > Norda Eŭskio < Atlantikaj Pireneoj (Pyrénées-Atlantiques) < Francio
Norda Eŭskio (eŭske Iparralde "Norda parto", france Pays Basque "Eŭska Lando") estas la plej eta triono de Eŭskio, troviĝanta en ties nordoriento norde de la Pireneoj kaj ene de la Franca regno. Kontraŭe al Hispanio de Francisco Franco, Parizo neniam oficiale malpermesis la eŭskajn lingvon kaj kulturon, sed tamen per sia jakobena ideologio pri "en Francio, homoj parolas nur la Francan" ĝi forte kunhelpis neŭtraligi ĉion Eŭskan. Ĝi estis okupita de Germana armeo dum la Dua mondmilito. La Germanoj permesetis Eŭskan kulturagadon por malfrancigi la regionon. La ciferoj malfacilas aserti - ĉar Francio (kune kun Turkio) estas la ununura lando eŭropa kiu ne kutimas registri minoritatojn - sed ŝajne antaŭ jarcento aŭ pli preskaŭ ĉiuj nordeŭskianoj estis eŭsklingvaj. En 1995 ĝin parol(pov)is 25,7 procentoj aŭ 66,000 homoj, kaj la nombro malkreskadas. Dume, praktike la tuta loĝantaro parolas la Francan. Restas tre etaj komunumoj konservante la Gaskonan lingvon.
- Tradicia ĉefurbo: Bajono (france Bayonne, eŭske Baiona)
- Aliaj urboj: Biarritz - Miarritze, Saint Jean de Luz - Donibane-Lohizun, Saint Jean Pied-de-Port - Donibane-Garazi, Mauleon - Maule, Hendajo (france Hendaye, eŭske Hendaia).
- Tradiciaj provincoj: Lapurdi (france Labourd), Basnavaro (france Basse Navarre, eŭske Behenafarroa), Zuberoa (france Soule)
