The Beatles
El Vikipedio
Muziko > Beatles
The Beatles [BITelz] estis brita rokgrupo, organizita 1960 en Liverpool.
[redaktu] Grupanoj
- George Harrison (1943 - 2001)
- John Lennon (1940 - 1980)
- Paul McCartney (1942 - )
- Ringo Starr (1940 - )
[redaktu] Influoj
Elvis Presley, Chuck Berry, Little Richard, Eddie Cochran.
[redaktu] Historio
La grupo gajnis grandegan famon en Britio dum 1963 per la disko Please Please Me. En 1964, apero en televid-programo Ed Sullivan Show en Usono lanĉis ties karieron mondskale kaj kaŭzis furoron, kiun oni nomis Beatlemania. Ili aktoris kaj muzikis en du filmoj, A Hard Day's Night kaj Help!. La disko Sgt. Pepper's Lonely Hearts Club Band aperis ĉe la pinto de ties sukceso dum 1967, kaj instigis pli artan kaj eksperimentan muzikon ĉe preskaŭ ĉiuj muzikgrupoj dum tiu jardeko. Post la aperoj de tri elstaraj diskoj, The Beatles aŭ "Blanka Albumo" (1968), Abbey Road (1969), kaj Let It Be (1970), la grupo disiĝis en 1970 pro grandaj diferencoj je opinio.
The Beatles siavice forte influis milojn da muzikistoj, tro multnombraj por listigi.
