Fassisim
De Vichipedie, la enciclopedie libare dute in marilenghe.
 |
Par plasê cjale la pagjine di discussion. |
Moviment politic talian nassût subit daspò de I vuere mondiâl e de ocupazion di Flum e organizât prime come moviment (Fas di combatiment) e daspò in Partît (Partît Nazionâl Fassist - PNF). Il simbul dal partît al jere il fas che al reclamave il simbul dal podê e de difese di Rome antighe. Il prim document fassist tal 1919 al fo firmât da socialiscj (in maiorance), anarchics, anarchi-sindacaliscj e nazionaliscj e al ven clamât "Manifest di Sansepolcro" Il moviment a si caraterizà daurman par il caratar violent e antidemocratic come ducj i moviments di chee volte, ma al rivà a cjapâ il podê cu la sveltece: marçant su Rome iai 28 di otubar dal 1922 e cjapant il podê sot forme di rivoluzion "pacifiche", ancje parce che poiade dal Rê Vitori Emanuêl III. Cjâf incontrastât dal Fassisim al fo Benito Mussolini. La sveltece dal fassisim e fo ancje chee di no meti une classe sociâl cuintri di chee altre e di tornâsi a reclamâ a la vuere di liberazion '15-'18 come prosecutôrs ideâi dai soldâts muarts e dai mutilâts e invalits. Il moviment al reclamave pan e pensions e un jutori economic ai mutilâts e al dave sbroc a dutis lis aspetativis teritoriâls delududis (Vitorie mutilade) daspò la pâs, firmade a Saint-Germain tal 1919 daspò dal intarvent dal President U.S.A. Wilson. Daspò tantis violencis (come il delit Matteotti) al limità la libertât di peraule e al abolì ducj i partîts; la Cjamare dai Deputâts e do disfate par lassâi puest a la Cjamare dai Fas e des Corporazions dant vite a la ditature tal 1927. Pur volint rivâ a sei totalitari, il regjim instaurât dal fassisim nol deventà plui che autoritari. Il fassisim al metè fûr leç ancje la Massonarie e i moviments catolics (ancje se tal 1929 al firmà i Pats lateranens) e, robe piês, a si dimostrà inliberâl e no atent a lis opinions di chei che a volevin miorâ il Stât e ostîl a chei che la pensavin propi cuintri. Nome Benedetto Croce al podè scrivi il Manifest dal Antifassisim e tants personis a forin mandadis al cunfin politic. Il sisteme economic al lave daur a une economie di marcjât, cun sburtadis sindacalistis e socialistis rapresintadis di une societât corporative. Sot dal fassisim l'Italie e condusè la Vuere di Spagne, la Vuere di Abissinie e la Seconde vuere mondiâl. Daspò la aleance cun la Gjermanie di Adolf Hitler al instaurà lis Leçs raziâls tal 1938. Tal 1940 l'Italie e jentrà in vuere cuintri di 52 nazions (!) a flanc di Gjermanie e Gjapon. Tal 1943, ai 25 di lui il fassisim, a si autosoprimè (uniche ditature tal mont), il Gran Consei dal Fassisim al votà cuintri dal Dûs e Mussolini al fo arestât dal gnûf Cjâf dal Guvier: Pietro Badoglio. Hitler al liberà Mussolini che nol acetà il respons dal Gran Consei dal Fassisim e al fondà la Republiche Sociâl Taliane e al continuà a combati cui Todescs cuintri dai Aleâts. Daspò dal 25 di avrîl dal 1945, il Dûs al disfà il so moviment cu la volontât che al tornàs in sen dal Partît Socialist Talian, ma daspò la vuere, mitût furleç in Italie, il fassisim, di moviment nassût te çampe, al deventà un moviment di drete par volontât dai prosecutôrs dal ideâl fassist: il Moviment Sociâl Talian ch'al à vivût fint ai prims agns '90 dal XX secul par po murî. Cumò il fassisim al ven reclamât nome da piçui trops di estreme-drete, che però a àn pôc ce fâ cu lis variis animis istorichis dal fassisim, ven a stâi: il fassisim movimentist, chel di regjim e chel de R.S.I..
