Jesus
De Vichipedie, la enciclopedie libare dute in marilenghe.
Jesus.
Inte religjon cristiane al è il non dal fi dal Idiu, il redentôr de umanitât. Al corispuint al non grêc "Iesoùs" che al derive dal ebraic "Yeshùa o Yehohshùa", che al significhe: "Idiu al salve".
Chest non al jere avonde doprât a chei timps, partant spes al jere compagnât dal apelatîf "Nazaren". Al ven ancje clamât il "Crist".
Crist al salte fûr dal grêc "Cristòs" che al volte la peraule ebraiche "Mashiach" (Messie) che e jere assegnade intal Vecjo Testament ai sovrans elezûts dal Idiu (par esempli Davide) e a significhe "ont", ven a stâi consacrât in non dal Idiu.
Secont i vanzelets al è nassût a Betlem, le citât di Davide. I soi gjenitôrs a stavin a Nazaret, ma cuant che Jesus al è nassût a si cjatavin a Betlem par un censiment.
Al fo batiât a cirche trente ains, e di chel moment al scomençà une grande ativitât di predicazion che à durât cirche trê ains e mieç.
Po dopo al fo injustementri condanât dai capocjis dai predis ebreus e dopo un mateç di procès al fo metût a muart dai romans cun spasimantes soferencis su di une crôs.
Simpri secont il Gnûf Testament al è risorzût e cumò al è in cîl a le drete dal Idiu so Pari.
