Raimondo Tommaso D’Aronco
De Vichipedie, la enciclopedie libare dute in marilenghe.
Raimondo Tommaso D’Aronco (Glemone 31 di Avost 1857 – Sanremo 3 di Mai 1936) al fo un impuartant architet dal inizi dal XX secul.
Il pari Girolamo al jere impresari edîl, Raimondo al studià architeture a Viene e a Vignesie.
Al insegnà disen e architeture e tal stes timp al scomençà a fâ dai progjets. Cul timp al ve apalts simpri plui impuartants e dal 1891 al 1908 al fo architet imperiâl a Istambul.
Fra lis varis oparis al ristaurà Sante Sofie e al fasè la residence estive de ambassade taliane a Tarabya.
Al tornà di spes in Italie sedi par insegnà architeture, sedi stant daûr di diviers lavôrs. Al fo il prin progjetist de Esposizion di Turin dal 1902 e al fasè il gnûf municipi di Udin.
Al fo un dai paris dal liberty in Italie e al è considerât il plui grant architet dal stîl floreâl.
