Regina Lepre
De Vichipedie, la enciclopedie libare dute in marilenghe.
Regjna Lepre e vignì al mont a Rigulât il 16 di Novembar dal 1887 e e murì il 8 dal stes mês dal 1977. Restade vedue cun doi picinins, e finîs di studiâ tal 1920, licenziântsi mestre. Ducj la ricuardin come la Maestro regjno, femine sclete che veve une vore di passion par scrivi, e no dome par disbredeâ la sô fantasie e i siei sentiments, ma soredut doprant un so mût di dî: Parcè che la favelo dal gno paîs e resti vivo, sano, scleto, un ricuart fra i vîs.
E vûl ben ai fruts, ae sô tiere, ae sô int. Leint lis sôs poesiis si sint une grande voie di pâs e di amôr fra ducj i oms che je e figurave come ucei, mierlis e sisilis, e altris anemaluts che a vivin su cheste tiere.
