Precipitación (meteoroloxía)
Na Galipedia, a wikipedia en galego.
En meteoroloxía, a precipitación é calquera forma de auga que cae do ceo. Isto inclúe chuvia, neve, sarabia, néboa e orballo.
A precipitación é unha parte importante do ciclo da auga e é responsable por depositar auga fresca no planeta. A precipitación é xerada polas nubes, cando alcanzan un punto de saturación; neste punto as gotas de auga crecente (ou anacos de xeo) fórmanse, e caen á Terra por gravidade. É posible inseminar nubes para inducir a precipitación orballando un po fino ou un químico apropiado (coma o nitrato de prata) dentro da nube, xerando as gotas de auga e incrementando a probabilidade de precipitación.
A chuvia ten papel importante no ciclo hidrolóxico. A cantidade de chuvias é medida usando un instrumento chamado pluviómetro, de funcionamento simple: un tubo de colecta da chuvia, cunha escala graduada (xeralmente de 0,25 mm en 0,25 mm) capaz de indicar a cantidade de chuvias no lugar.
Podemos distinguir tres grandes tipos de chuvias:
- Chuvia frontal
É causada polo encontro dunha masa fría con outra quente (e húmida), típicas das latitudes medias, como as de inverno no Brasil Meridional. As chuvias frontais ocorren cando a masa fría se encontra con outra masa quente e húmida.
- Chuvia de Convección
É provocada pola intensa evaporación e o consecuente arrefriamento pola ascensión do ar húmido - fenómeno que ocorre nas zonas ecuatorias e no verán do Centro-Sur Brasileiro. Estas chuvias tamén son coñecidas popularmente como aguaceiros ou toró.
- Chuvia oroxénica ou de relevo
Ocorre cando os ventos húmidos se elevan e se resfrian polo encontro dunha barreira montañosa, como é normal nas encostas voltadas para o mar. Son comúns nos litorais, paranaense e catarinense.
