Santiago de Compostela
Na Galipedia, a wikipedia en galego.
| Santiago de Compostela | |
|---|---|
 |
|
| Situación | |
 |
|
| Xentilicio 1: | Santiagués - Compostelán |
| Xeografía | |
| Provincia: | Coruña |
| Comarca: | Santiago |
| Área: | 223 km² |
| Entidades de poboación: | - |
| Capital do concello: | |
| Latitude e lonxitude: | |
| Altitude máxima: | - m. |
| Altitude mínima: | m. |
| Zona horaria: 2 | UTC + 1 |
| Demografía (2004) | |
| Poboación: | 92.298 hab. |
| Densidade: | 413,89 hab./km² |
| Uso do galego 3 (2001) | |
| Galegofalantes sobre o total da poboación: | % |
| Falantes do galego no tramo 5 a 29 anos | |
| Sempre: | % |
| Ás veces: | % |
| Nunca: | % |
| Política (2003) | |
| Concelleiros 4: | PPdeG 10 (18.489 - 36.4 %) BNG 4 (8.507 - 16.75 %) PSdeG-PSOE 11 (20.481 - 40.32 %) Outros: - (- %) |
| Alcalde: | Xosé Antonio Sánchez Bugallo (PSdeG-PSOE) |
| Eleccións municipais en: 'Santiago de Compostela' | |
| Censo electoral (2003) | |
| Total electores: | 78.957 - 100 % |
| Votantes: | 51.179 - 64.82 % |
| Abstencións: | 27.778 - 35.18 % |
| Votos en branco: | 1.720 - 3.39 % |
| Votos nulos: | 389 - 0.76 % |
| Orzamentos 5 (2000) | |
| Total ingresos: | € |
| Tributos propios por habitante: | € |
| Transferencias por habitante: | € |
| Consumo público por habitante: | € |
| Gasto de capital por habitante: | € |
| Enderezos | |
| Enderezo físico: | Pazo de Raxoi. Praza do Obradoiro |
| Teléfono: | 981 542 300 |
| Fax: | |
| Código Postal: | |
| Correo electrónico: | |
| Sitio web oficial: | http://www.santiagodecompostela.org |
|
|
|
| Notas: | 1 Véxase no Galizionario. 2 No verán: UTC + 2. |
 |
|
Capital de Galicia. Concello da Provincia da Coruña. Pertence á Comarca de Santiago.
Poboación en 2004: 92.298 persoas segundo o Padrón municipal de habitantes (92.339 en 2003).
Superficie: 223 km2.
Xentilicio (véxase no Galizionario) : Santiagués - Compostelán
| Evolución da poboación de: Santiago de Compostela - desde 1900 ata 2004 - | ||||
| 1900 | 1930 | 1950 | 1981 | 2004 |
| 24.120 | 38.270 | 55.553 | 82.404 | 92.298 |
| Fontes: INE e IGE
(Os criterios de rexistro censal variaron entre 1900 e 2004, e os datos do INE e do IGE poden non coincidir.) |
||||
Índice |
[editar] Historia
- Ver artigo principal: Historia de Santiago de Compostela.
No territorio que actualmente ocupa a catedral de Santiago existía un poboado romano, que se tende a identificar como a mansión romana de Aseconia que existiu entre a segunda metade do século I e o século V, o poboado desapareceu pero permaneceu unha necrópole que tivo uso quizais ata o século VII.
O nacemento de Santiago como se coñece agora está ligada á descoberta (presumible) dos restos do Apóstolo Santiago entre o 820 e o 835, a elevación do rango relixioso dos restos, a Universidade e na actualidade á capitalidade de Galiza.
Segundo a tradición medieval, como aparece por primeira vez na Concordia de Antealtares (1077), o eremita Paio alertado por luces nocturnas que se producían no bosque de Libredón avisou o bispo de Iria Flavia, Teodomiro, quen descubriu os restos de Santiago o Maior e de dous dos seus discípulos, no lugar que posteriormente se levantaría Compostela, topónimo que podería vir de Campus Stellae, isto é "campo de estrelas", ou máis probabelmente de Composita Tella, "terras ben axeitadas", eufemismo por cemiterio; ou mesmo "[Ja]Com[e A]postol[u]"). A descoberta propiciou que Alfonso II, necesitado de cohesión interna e apoio externo para o seu reino, fixera unha pelegrinaxe que anunciou no interior do seu reino e no exterior, a un novo lugar de pelegrinaxe da cristiandade nun momento no que a importancia de Roma decaera e Xerusalén non era accesible por estar en poder dos musulmáns.
Pouco a pouco foise desenvolvendo a cidade, primeiro estableceuse unha comunidade eclesiástica permanente a carón dos restos atopados formada polo bispo de Iria e os monxes de Antealtares, espontaneamente asentouse unha poboación heteroxénea, aínda que fundamentalmente estaba formada por emigrantes procedentes das aldeas próximas, que foi aumentando a medida que progresaba a peregrinación por razóns relixiosas por todo o occidente peninsular, reforzado polo privilexio concedido por Ordoño II no ano 915 polo que se establecía que calquera que permanecera corenta días sen ser reclamado como servo pasaba a ser considerado como un home libre con dereito a residir en Compostela. A cidade foi destruída por Almanzor o 10 de agosto do ano 997, que tan só respectou o sartego do apóstolo, tras a volta dos habitantes comezou a reconstrución, o bispo Cresconio a mediados do século XI dotou á cidade dun cinto de foxos e unha muralla como medida defensiva.
No ano 1075 deu comezo a construción da catedral románica, o aumento da pelegrinaxe fai de Compostela un lugar de referencia relixiosa en Europa, aumentando a súa importancia, que se ve recompensada tamén politicamente, acadando na época do Arcebispo Xelmírez a categoría de metropolitana para a igrexa compostelá (1120). Entre os séculos XII e XIII foise artellando a rede de rúas dentro do recinto amurallado. A chegada da Peste Negra a cidade supuxo unha forte recesión demográfica, a partir de 1380 recuperou poboación e no século XV tiña entre 4 e 5.000 habitantes.
A fundación da Universidade no século XVI dálle un nuvo pulo a atracción de Santiago, en particular en Galiza, atracción que continuará tendo aínda a pesar do descenso relativo da importancia da cidade.
O establecemento da autonomía en Galiza fixo dela a capital galega, obtendo como consecuencia un novo pulo na fin do século XX que contrarestou amplamente o decrecemento relativo da importancia como cidade universitaria ó crearense as universidades de Vigo e A Coruña.
[editar] Festas e celebracións
- Festas da Ascensión
- Festas do Apóstolo
[editar] Monumentos, museos e lugares de visita
|
|
|
[editar] Museos
- Centro Galego de Arte Contemporánea, museo a base de exposicións temporais de obras actuais.
- Museo do Pobo Galego, sobre a etnografía e historia de Galiza, en San Domingos de Bonaval.
[editar] Arquitectura relixiosa
- San Martiño Pinario, igrexa e mosteiro.
- Seminario Maior, en San Martiño Pinario
- Convento de San Francisco
- Convento de San Paio de Antealtares
- Santa María Salomé, igrexa románica (s.XII) na rúa Nova.
- Catedral de Santiago de Compostela, o emblema relixoso de Galiza e o Camiño de Santiago, con múltiples puntos de interese, entre os que destacan no seu interior o Portico da Groria do Mestre Mateo e no exterior as fachadas de Praterías e Obradoiro (conxunto barroco que completa a fachada principal diante do pórtico da Groria e fronte ó Pazo de Raxoi).
[editar] Arquitectura civil
- Pazo de Raxoi, neoclásico, sé do Concello e da Presidencia da Xunta de Galiza (s.XVIII), situado na praza do Obradoiro, fronte a fronte coa catedral.
- Hostal dos Reis Católicos, antigo edificio que pasou por diversas ocupacións como hospital e centro de peregrinos e hoxe é Parador Nacional.
- Mercado.
- Universidade. Edificio na actualidade ocupado pola Faculdade de Historia e Xeografía.
- Colexio de Fonseca. Na actualidade sede da reitoría da Universidade de Santiago e da súa Biblioteca Xeral, na bela e agradable Praza de Fonseca.
- Parque da Ferradura.
- Porta do Camiño, entrada da época medieval.
- Rúa do Franco. Típico lugar de paseo e toma de viños.
- Rúa do Villar. Con múltiples e chamativos soportais.
- Praza da Quintana, dividida en Quintana de Vivos e Quintana de Mortos, limitada entre catedral, casa da Parra, Convento de San Paio de Antealtares e a casa da Conga.
- Esculturas. En Santiago hai multitude de esculturas no interior e no exterior de edificacións ou en parques, de diversas épocas ata a actualidade.
[editar] Galería de imaxes
Vexa a Galería de imaxes de Santiago de Compostela para unha relación completa das imaxes dispoñibles deste concello.
[editar] Lugares de Santiago de Compostela
Para unha lista completa de todos os lugares do concello de Santiago de Compostela vexa: Lugares de Santiago de Compostela.
[editar] Parroquias
| Galicia | Provincia da Coruña | Parroquias de Santiago de Compostela | |
|---|---|
|
Aríns (San Martiño) | Bando (Santa Eulalia) | A Barciela (Santo André) | Busto (San Pedro) | O Carballal (San Xulián) | O Castiñeiriño (Nosa Señora de Fátima) | Cesar (Santa María) | Conxo (Santa María) | O Eixo (San Cristovo) | A Enfesta (San Cristovo) | Fecha (San Xoán) | Figueiras (Santa María) | Grixoa (Santa María) | Laraño (San Martiño) | Marantes (San Vicente) | Marrozos (Santa María) | Nemenzo (Santa Cristina) | A Peregrina (Santa María) | Sabugueira (San Paio) | San Caetano (Santiago) | San Fructuoso de Afora (Santiago)| San Lázaro (Santiago) | San Pedro de Afora (Santiago) | San Xoán de Afora (Santiago)| Santa Cristina de Fecha (Santa Cristina) | Santiago de Compostela | Verdía (Santa Mariña) | Vidán (Divino Salvador) | Villestro (Santa María) |
[editar] Véxase tamén
|
Referencias relacionadas con Galicia |
||
[editar] Ligazóns externas
- Caminho de Santiago - O Portal Peregrino
- Web Oficial do Concello de Santiago de Compostela
- Santiago Turismo
- USC - Universidade de Santiago
- Cámara Web situada na Praza do Obradoiro
