Wikipedia:Benvenite

De Wikipedia, le encyclopedia libere

Wikipedia es un encyclopedia gratuite scribite collaborativemente per su lectores. Le sito es un WikiWiki, lo que significa que qualcunque persona, e tu mesme, pote editar qualcunque articulo justo ora per cliccar super le ligamine "Modificar iste pagina" que appare in cata articulo de Wikipedia.

Tabula de contento

1 Explora Wikipedia
2 Edita
3 Vide tamben
- 3.1 Information general, guidas e adjuta
- 3.2 Consilios pro novicios

[modificar] Explora Wikipedia

Wikipedia ja contine un certe quantitate de information super un grande varietate de subjectos. Pro verificar isto, vade clicca super le ligamine "Frontispicio", trova un subjecto que te pare interessante, e comencia a explorar. Il ha tamben un cassa de cerca al base de cata pagina.

[modificar] Edita

Qualcunque persona pote editar paginas in Wikipedia (mesmo iste pagina!). Clicca super le ligamine "Modificar iste pagina" in le pagina que tu pensa que require melioration. Tu non necessita de credentiales special; tu non mesmo necessita identificar te.

Un maniera simple de comenciar a collaborar es simplemente usar le Wikipedia como si illo esseva qualcunque altere encyclopedia, mais quando tu identifica un problema — un error de orthographia, pote esser, o un phrase non multo clar, vade avante e corrige lo. Edita paginas intrepidemente — si tu identifica un maniera de meliorar un pagina, face lo. Non te inquieta multo quanto a committer errores — si tu scribe alco legiermente incorrecte, alora tu, o qualcunque persona, pote sempre corriger lo posteriormente. Tu pote considerar isto un pauc absurde! Nonobstante illo functiona. Wikipedia constantemente se expande con nove articulos scribite per personas como tu. Tu pote rediger un articulo totalmente nove, o trovar un articulo existente e inserer un nove section in illo.

Nos ha alcun politicas e directivas del qual tu debe esser conscie. In particular, le politica de impartialitate significa que tu articulos non debe esser partial, e debe representar diferente punctos de vista super un subjecto de maniera juste e sympathic. Tote le contributiones a Wikipedia es liberate sub le licentia GNU pro documentation libere (GFDL). Le GFDL assecura que Wikipedia remanera distribuibile gratuitemente per sempre. (Vide Wikipedia:Derectos de autor pro plus information.)

Diverte te!

[modificar] Vide tamben

Ecce alcun ligamines a plus information introductori:

[modificar] Information general, guidas e adjuta

Super le projecto
Wikipedia:Adjuta — Adjuta pro editar, initiar nove articulos, e multe altere topicos.
Wikipedia:Questiones frequente — Questiones frequente super le sito (FAQ).
Wikipedia:Glossario — Un glossario de terminos "wikipedic" commun.
Wikipedia:Politicas e directivas — Politicas e directivas pro le contribuentes.