Gabriel García Márquez
From Wikipedia
Ni Gabriel José García Márquez (naiyanak Marso 6, 1928) ket maysa a Colombiano a mannurat a nalatak kas novelista ken agiwarwarnak ken activista iti politica. Naipasngay isuna iti ili ti Aracataca, Colombia ngem nangruna a nagnaed iti Mexico ken Europa.
Nagtrabaho ni García Márquez a kas reporter iti pagiwarnak nga El Espectador idiay Bogotá, Colombia, ken kas foreign correspondent idiay Roma, Paris, Barcelona, Caracas, ken Ciudad iti New York.
Ti Relato de un náufrago (Iloko: Estoria ti Napukaw a Marinero) iti umunana nga limmatak a estoria. Naipablaak nga serial iti maysa nga pagiwarnak idi 1955 santo inmaldit a novela idi 1970. Ti Cien años de soledad (Iloko: Sangagasut a Tawen ti Kinaagmaymaysa; English: One Hundred Years of Solitude) ti kalatakan a novelana a mabigbig gapu iti panagaramatna iti estilo a magic realism iti panagsuratan iti fiksion.
Napadayawan iti Premio Nobel iti Literatura idi 1982.
[baliwan] Dagiti obrana
- Matmata ti Aso nga Azul (Ojos de perro azul) (1947)
- Bagyo ti Bulong (La hojarasca) (1955)
- Awan Agsursurat ken ni Coronel (El coronel no tiene quien le escriba) (1961)
- Pumpon ni Dakkel a Mama (Los funerales de la Mamá Grande) (1962)
- Ti Dakes nga Oras (La mala hora) (1962)
- Sangagasut a Tawen ti Kinagmaymaysa (Cien años de soledad) (1967)
- Estoria ti Napukaw a Marinero (Relato de un náufrago) (1970)
- Ti Otonio ti Puonan nga Ama (El otoño del patriarca) (1975)
- Ti naliday nga estoria ni Eréndira ken ni Lelangna nga Awanan Asi (La increíble y triste historia de la cándida Eréndira y de su abuela desalmada) (1978)
- Pakasaritaan ti Naipadto nga Ipapatay (Crónica de una muerte anunciada) (1981)
- Ayat iti Tiempo ti Bayongobong (El amor en los tiempos del cólera) (1985)
- Ni Heneral iti Laberintona (El general en su laberinto) (1989)
- Perperegrino (Doce cuentos peregrinos) (1992)
- Iti Ayat ken dadduma pay a Demonio (Del amor y otros demonios) (1994)
- Damdamag iti Maysa a Naitaray (Noticia de un secuestro) (1996)
- Agbiag tapno Makaibaga (Vivir para contarla) (2002)
- Laglagipko kadagiti Naliday a Puta (Memoria de mis putas tristes) (2004)
