albert.ainctain
From Wikipedia
.i la albert.ainctain. no'u la'o dy. Albert Einstein dy. goi ko'a cu jbena fi li pavo pi'e ci pi'e pabizeso gi'e ca le nu detri fa li pabi pi'e vo pi'e pasomumu kei pavzilcatra le risna fliba .i so'i le prenu cu jinvi le du'u ko'a traji lo ka vajni kei lo ka zmadu lo renomoi na'acto saske prenu .i ko'a finti le sidbo be saskrxotnositelnosti .i cnemu ko'a fo la'o dy. 1921 Nobelpriset i fysik dy.
.i ba le nu ca le nu detri fa li 1919 kei snada cipra le nu lo dizlo bapli pe le solri cu muvdu lo gusni kei kei ko'a terdi misno .i ca le nu ko'a dzena kei ko'a traji lo ka misno kei lo ka zmadu lo saske pe lo citri
.i le cmene be ko'a cu smini lo barda mencre le kulnu
[edit] lifri
[edit] citno
.i ko'a jbena fi li 14 pi'e 3 pi'e 1879 fo la'o dy. Ulm, Württemberg, Deutsches Kaiserreich dy. .i la'o gy. Hermann Einstein gy. patfu ko'a .i la'o gy. Pauline gy. mamta ko'a .i vi la'o gy. Stuttgart-Bad Cannstatt gy. ku la paulin. speni la xerman. .i le lanzu be ko'a cu xebro .i ko'a zvati le xrisrkatolika ckule .i ko'a tadni le nu kelci le jgita .i ko'a na nelci le tadni be lo jgita .i ku'i baku ko'a gleki le zgike le nu la'o dy. Wolfgang Amadeus Mozart dy. kelci le jgita
.i ba le nu le nanca be li mu cu temci le te jbena be fa ko'a kei le patfu be ko'a cu jarco le makfartci ko'a .i ko'a djuno le du'u da bapli le nu le jesni cu muvdu .i baku ko'a cusku le nu go'i se manci ko'a .i ko'a jarco le nu mutce xamgu le ka kakne le cmaci kei .i ku'i ko'a masno cilre .i so'o le prenu cu jinvi le du'u ko'a sezga'o kei .a le du'u ko'a kaknrdislexo
.i ca le detri be li pabibiso ku le mikce tadni poi zoi gy. Max Talmud gy. cmene ku'o cu jarco ko'a le se ciska be le pijyske se tcidu .e le saske se tcidu .i la'o dy. Kritik der reinen Vernunft dy. poi la'o dy. Immanuel Kant dy. ciska ku'o me pa le pijyske se tcidu poi la max.talmud. jarco ko'a .i re le bruna be le rirni be ko'a cu xlura ko'a le nu mencre cu cinri ko'a kei le nu vo'a stidi le cukta be lo cmaci .e lo saske .e lo pijyske ko'a
.i ko'a zvati la'o gy. Luitpoid Gymnasium gy. .i ba le nu le nanca be li pare cu temci le te jbena be fa ko'a kei ko'a cilre lo cmaci
.i ca le nu le detri fa li xa pi'e pa pi'e pasonoci kei ko'a speni la'o sy. Mileva Marić sy.
ni'o lo vi ckupau na mulno .i do kakne lo nu mulgau cy
