Bergen op Zoom

Van Wikipedia

Dit artikel is gesjreve in 't Mestreechs. 't Weurt gewaardeerd óm in dit artikel woe meugelik 't Mestreechs aan te hawte.

Ligking vaan Bergen op Zoom in Noord-Braobant

Bergen op Zoom (Braobants Berge) is 'n stad en gemeinte in westelik Noord-Braobant. De gemeinte had op 1 januari 2004 66.136 inwoeners en besleit 93,13 km². Binne de gemeinte ligke nog 't dörp Halstere en inkel gehöchte.

[bewirk] Stadsfuncties

De stad vörmp same mèt Rozedaol e twieling-verzörgingscintrum veur de regio, dewijl Bergen op Zoom zelf ouch veur Zieland vaan importantie is; veural Tholen is op dees stad geriech. Bergen op Zoom heet 'n umvangriek industriegebeed wat vaan 't Sjelde-Rienkenaal tösse Antwerpe en Rotterdam ligk.

[bewirk] Stadsbild

Gevangenpoort

Vaan Bergen op Zoom zien aw glorie is nog relatief väöl bewoerd gebleve. Vaan de aw mör is de Gevangenpoort nog euver. Bekind is ouch 't steidelik kestiel de Markiezenhof, en de St.-Geertrudiskèrk mèt d'n torie, dee (wie ouch de Zwolse en Deventerse torie) de Peperbus geneump weurt.

[bewirk] Historie

Tot 1287 maakde Bergen op Zoom deil oet vaan de hierlikheid Breda; vaanaof dat jaor góng Berg op Zoom wijer es cintrum vaan 'n eige hierlikheid. Roond deen tied moot de plaots ouch stadrechte höbbe. Wienie is neet bekind: de akte moot tijens 'ne brand in 't stadsarchief in 1397 verlore gegoon zien. Later woort de hierlikheid tot markiezaat. De stad oontwikkelde eerdewèrk en lake-industrie; mèt de lèste beconcurreerde me de Vlaomse stei.

Tijens d'n Tachtegjaoregen oorlog woort de versjèllende kiere vereuverd, meh blaof oeteindelik in hen vaan de opstand, ouch al door mechteg vestewèrke vaan Menno van Coehoorn. In 1747, bij de Franse successieoorlog, vereuverde de Franse de stad, die daonao tot 1814 in Franse hen blaof en garnizoensstad waor.