S'n Maeëte
Van Wikipedia
- Dit artikel is gesjreve in 't Valkebergs. Ómdat 't plaatsgebónje is, maogs doe 't ómzètte nao 't Voeres, as te dit dialek sjpriks.
S'n Maeëte (Nederlands: Sint-Martens-Voeren, Frans: Fouron-Saint-Martin) ies 'n dörp in de gemeinte Voere in Belsj Limburg. 't Dörp ies gesitueerd aan en in 't dal van 't rivierke de Voor.
Inhawd |
[bewirk] De Montzenerlijn
| Dees sectie van dit artikel is gesjreve in 't Norbiks |
't Sjpoor van Aoke riechting Tóngere nao Antwerpe passeert hie euver 'ne 23 maeter hoage en 250 maeter lange viaduct, dae, zjuus wie de gaanse Montzenerlijn aangelag ies dör de Duutsjers in de Ursjte Waereldoorlog. Nörges i Voere is 'ne sjpoorweguvvergaank. Zelfs de klingste vaeldwaeg zeunt dör 'ne viaduct uvverbrukt. De viaduct is gemakt va gewaopend beton. Hie en dao is lichte betonrot te zieë. De Montzenerlijn is de belangriekste verbinding väör goederevervoer tussje d'r Antwerpse have en Duutsjlaand en lupt väör 'n deel dör Wallonië. Dr. Jaak Nijssen va S'n Maeëte haat d'r boew van die lijn grondig bestudeerd en dao e book uvver gesjraeve. "De spoorlijn Tongeren-Aken in oorlogstijd aangelegd; 1985"
[bewirk] Buurtsjappe
[bewirk] 't Dörp
De kèrk, gewiejd aan Sint Maeëte (Martinus), haet 'ne Romaanse tore oet de 12e ièw, opgetrokke van breuksjtein. 't Barok sjeep en 't koar zint van 1728. Op 't kèrkhof sjteit 'n graafkruus oet de 16e ièw. 't Vreuger kapittelhoes deende ónder pesjtoar Veltmans es pastorie en zoa kump 't aan ziene naam Veltmanshoes.
In de buurt liegke kesjtieël Ottegrove mèt aod watermasjieng op de Voor, de haof Op de Eiken, de Komberg en de Brookbösj.
Op sjplietsinge van waeg en aan tal van hoezer bevinge ziech religieus monumentsjes wie Mariabeeldsjes en kruzer.
[bewirk] Landsjap
't Landsjap in de umgeving tuènt zich mèt heuvele en dale die eindige bove 'ne graaf (landsjapselement) (graft). In dees umgeving zouwe ziech ouch de meiste hol waeg van Wes-Europa bevinge. Dat geuf, ouch vanwege de kalkrieke grónd, 'n biezónder flora (biev. de hamsj) en fauna (biev. de wiengaardsjlek). Veural de das ies hie good vertegenwoodig.
[bewirk] Dörpsvereiniginge
- Bies de jaore 60: The Joyce Boys (twiètalige toneelclub)
- Noe: Harmonie Saint Martin; Sjutteriej Sint-Martinus
