Sint-Janskloes
Van Wikipedia
- Dit artikel is gesjreve in 't Valkebergs. 't Weurt gewaardeerd óm in dit artikel woe meugelik 't Valkebergs aan te hawte.
De Sint Janskloes ies 'n veurmalige weuning van 'ne hièremiet, allewiel gelege in de wiek, die nao häör geneump ies: De Kloes in Oud Gelaen. Zie ies gewiejd aan Sint Jan. In vreuger jaore laog zie in 't ope veld. Noe sjteit ze op 'n kruuspunt van doorgaonswaeg.
[bewirk] De boew
De kloes ies 'n rechheukig boewwerk van baksjtein mèt horizontaal mergele sjpeklaoge. Aan de noordkant bevóng ziech 'n kapel mèt 'n sjteine teurentsje. Gesjeije door 'ne gank waor aan de ander zie 'n woonruumde mèt 'ne kelder. Nao de lètste renovatie in 1985 functioneert 't gans gebuuwke es baekapel. Aan de veurgevel leze v'r 't jaortal 1699 in de moerankersj.
[bewirk] Gesjiedenis
In 1699 ies de kloes gesjtiech, waarsjienlik es hospitaal veur besjmettelike krenkdes, door gravin Maria Dorothea van Salm ter ière van de heilige Lazarus. De ièrsjte beweuning door 'ne hièremiet ies in 1722. Nao 1912, es broeder Antonius Thieman sjtörf, zölle d'r gein kloezenaersj miè wone. In 1937 en in 1985 vinge restauraties plaats.
't Ies in Gelaen en umsjtreke 3 ièwe gebrukelik gewaes um de kloes te bezeuke mèt es doel um zjwaere aaf te bae. (Dus um genezing te vraoge veur zjwaere, vrattele e.d.). Binne in 't geboew haet ummer 'n sjilderie gehange mèt Zjwaere Job d'r op aafgebeeld.
extern website: http://www.sintjanskluis.nl
