Zandvoort

Van Wikipedia

Dit artikel is gesjreve in 't Mestreechs. 't Weurt gewaardeerd óm in dit artikel woe meugelik 't Mestreechs aan te hawte.

Ligking vaan Zandvoort in Noord-Holland

Zandvoort is e versteidelik dörp en 'n gemeinte in de Nederlandse provincie Noord-Holland, in de Bollestreik, mèt (1 augustus 2006) 16.628 inwoeners en 'n oppervlak vaan 33,82 km². Binne de gemeinte ligk ouch 't dörp Bentveld.

Zandvoort is 'n belangrieke massatoeristische badplaots, veural veur de inwoeners vaan Amsterdam en Haarlem. Wijers is 't bekind es vestegingsplaots vaan e autoracecircuit. Zandvoort is 't indpunt vaan 'ne spoorlijn vaanoet Amsterdam via Haarlem.

[bewirk] Historie

De naom Zandvoort, roond 't jaor 1100 Sandevoerde, liet ziech sumpel verklaore es zand "zavel" en voord "doortrèkbaar plaots in 'ne waterloup". Iewelaank (tot 1722) waor 't vèssersdörp bezit vaan de Hiere vaan Bredero. Al vreug in de negentiende iew kaom Zandvoort es badplaots in gebruuk, in 't begin veur de elite. Wie in 1881 de plaots op 't spoorwegenèt aongeslote woort góng 't toerisme hel veuroet. Tijens d'n Twiede Wereldoorlog woort de plaots gooddeils oontruimp en es vesting ingeriech, meh nao d'n oorlog herstèlde 't toerisme ziech gaw. Allewijl wèrk oongeveer de hèllef vaan de plaotselike bevolking in de toeristische sector.