Mönsterland
From Wikipedia
 |
Dit Woort hett noch en anner Bedüden, för dat Mönsterland bi Ollnborg kiek ünner Ollnborgsch Mönsterland. |
Dat Mönsterland is en Region in'n Noorden vun Noordrhien-Westfalen. Dat höör lange to dat Rebeet vun'n Bischop vun Mönster. Ok hier ward hüüt noch Platt snackt, dat Mönsterländisk Platt. Barg söökt man hier ümsüss, denn dat Mönsterland is platt as'n Teller. Gröötere Städte sünd Mönster, Ascheberg, Lüdinghusen, Dölmen, Haltern un so wieder. To'n gröötsten Deel vun de Fläche is de Landweertschapp in Mönsterland. Dorbi gifft dat mieh Ackerbuuren as Grönlandbuuren. Swientucht un Rindertucht gifft dat hier ok veel. De katholske Kark hätt veel Tosprook, de evangelske winnig. In'n Söden is de Kohlenpott, wo aowwer bloots noch winnig Öven in Bedreev sünd. In'n Westen sünd de Nedderlande, wo groad in Grenzgebeet veel Platt snackt ward. Snacken heet hier övvrigens küern.
