Rimbert
From Wikipedia
Rimbert oder Rembert (* 830 in Flandern; † 11. Juni 888 in Bremen) weer vun 865 bet 888 de Arzbischop vun dat Arzbisdom Hamburg-Bremen.
Rimbert, de ut en Adelsfamilie ut Flandern keem, is in't Klooster Thurolt utbillt worrn. Arzbischop Ansgar hett stark op em inwarkt. Later is denn Rimbert de Nafolger vun Ansgar worrn un hett en Biografie (Vita Ansgari) över em schreven.
Dat Missioneren in Däänmark un Sweden, dat ünner Ansgar anfüng, kunn Rimbert nich mit Spood foortsetten. Aver he kunn 888 dat Münt- un Tollrecht för Bremen kriegen un dat Arzbisdom dormit finanziell stärker maken.
In Bremen is bit hüdigendags sien Naam lebennig in de evangeelsche St. Remberti-Kark un de St.Remberti-Gemeende in den Oortsdeel Swackhusen.
Sien Fierdag is hüüt de 4. Februar.
