Warburg
From Wikipedia
Warburg is ene Arzbischopsstadt in'n Kreis Höxter in Westfalen. Warburg liggt in Noordrhien-Westfalen, in Ostwestfalen an de Grens to Hessen. Warburg hett mier denn 20.000 Inwahners. De gröttste Vörstadt is Scherfede. Warburg is dat Medelzentrum vun ene Landwirtschapsregion, ok wenn all Gemeenten in'n Kreis Steden sün. Över de Bohnhoff, de siet 1849 Isenbohn-Verbindeungen hett, gifft dat ICE-Verbindungen noh Söddüütschland. De Autobohn 7 is hie nich wiet in Kassel. Dat geev hie en sassisch Adelssitz in't 8. Johrhunnert. Om 1000 geev dat hie en Borg vun Graf Dodiko op de Wartberg.
Wegens de Daud vun de Graf Dodiko kehm sien Lann an de Bischop vun Patterbuorn. Nich veel later kreg de Bischop de Rechten vun de Graf. In't 12. Johrhunnert kreg de ole Stadt Stadtrecht. De Niegstadt Wartberg worr dat 13. Johrhunnert vun de Bischop vun Patterbuorn gründ't. De ole un de niege Stadt worrn Liddmaten vun de Hanse. 1436 worrn de Steden verenigt. 1568 worr dat Roothuus twischen de ehemaalsche Steden but. De Dörtigjohrig Orlog weer vör de Stadt de Grunn för de Neddergang. Johann Conrad Schlaun worr 1695 in Nörde bi Warburg boren. Vun 1802 weer Warburg pruißisk, ok wenn dat vun 1807 bet 1812 in't Keunigriek Westfalen weer. 1892 harr Warburg de Schulden ut de Dörtigjohrig Krieg aftahlt. 1933 kreeg de Düütsche Zentrumspartei 67,2 % un de NSDAP 21,8 %. 1983 worr Warburg bi de Grünnung Liddmaat vun de Westfälsche Hansebunn. De Börgermeester is Michael Stickelin vun de CDU. Hie gifft dat dat Gymnasium Marianum, wat ene ole School is. Inst weer hie de halve Schölerschap, hie in de katholsche Södossen vun Ostwestfalen, evangeelsch oder jödsch. Dat Hambörger Bankhus Warburg hett sien Nam vun en Familiennam. Ook anner Steden in'n Kreis sün in de Niege Hanse, ten Bispeel Höxter un Brakel.
