Ny Jord
Frå Wikipedia – det frie oppslagsverket
Ny Jord (Selskap for landets indre kolonisasjon og emigrasjonens innskrenkning) vart skipa i 1908 og hadde som føremål å minska utvandringa ved å visa til ulempene ved å dra frå landet og gje folk ei meir realistisk oppfatning av kva dei kunne venta seg dersom dei emigrerte. Selskapet arbeidde etter kvart mest for bureising på udyrka jord ved å kjøpa dyrkingsfelt, og på særlege vilkår gje økonomisk tilskot til bureisarar. Fram til midt på 1930-talet hadde selskapet gjeve tilskot til meir enn 10 000 bureisingsbruk, og det var dyrka over 180 000 dekar jord. Nordland, Troms og Hedmark var dei tre fylka med flest bureisingsbruk.
Selskapet starta i 1916 Val landbruksskole i Nærøy i Nord-Trøndelag.
I 1972 gjekk Ny Jord saman med Det norske myrselskap og danna Det norske jord- og myrselskap (DNJM).
 |
Denne landbruksartikkelen er ei spire. Du kan hjelpe Nynorsk Wikipedia å vekse seg stor og sterk gjennom å utvide han.
Sjå òg: Oversyn over landbruksspirer. |
