Mont Saint Miché
From Wikipedia
|
Ch't' articl'ye fut c'menchie en Jèrriais
 |
Lé Mont Saint Miché (
Mount Saint-Michi) est eune pliaiche en Nouormandie.
Y'a un fanmeux vièr monastéthe là fondé par Saint Aubèrt. S’lon la légende, l’Archange Miché appathut à Aubèrt, tch ‘tait l’êvêque d’Avranches, et lî dit d’fonder un monastéthe sus un rotchi dans la baie tch’avait nom Mont Tombe.
Viyant qu'i' n'y'avait pon grand run sus l’rotchi, les bâtisseurs avaû les siècl'yes fûtent oblyigis d’bâti bein haut, auve les bâtisses les iuns sus l’s aut’s – et né v’chîn pouortchi qu’lé Mont Saint Miché est app’lé eune Mèrvelle Nouormande.
Au haut dg’ieau il est entouothé dg’ieau et la mé monte bein vite (souô-disant, à l'ièrre d'un j'va au galop) et y’a des mouoilliéthes dans les sablions à l’entou même au bas dg’ieau.
Nou-s'a bâti un pont entre la tèrre et l'mont, mais achteu nou-s'a plianné d'dêmonter eune partie du pont à seule fîn d'laîssi couôrre les mathées pouor clièrgi l'hèrbe tchi s'est êtrueûlé à l'entou d'l'île.
