Santa Rusulìa
From Wikipedia
Santa Rusulìa, lu cu' nomu veru era Rusulìa Sinibaldi (1130-1156 o 1166), secunnu la tradizzioni, appartinni a la nòbbili famigghia di li Sinibaldi e fu vèrgini palirmitana di lu sèculu XII, figghia di Sinibbaldu, signuri di Quisquina e di Rose nta la pruvincia di Girgenti. Vissi a la corti di lu re Ruggeru prima d'arritiràrisi comu n'eremita nta na grutta 'n capu a lu munti Piddirinu, unni murìu. Nta lu 1624 sarvau la cità di la pesti e accussì addivintau la santa patruna, spudistannu a santa Cristina, santa Oliva, santa Ninfa e sant'Àita. Nfatti, secunnu la liggenna, accumparìu ntô sonnu a un cacciaturi dicènnucci unni s'attruvàvanu li so ossa ca, purtati 'n prucissioni pi tutta la cità, fìciru accabbari la pesti.
