Kota Cirebon

Ti Wikipédia, énsiklopédi bébas

Pikeun artikel kabupatén nu ngaranna sarua, tempo Kabupatén Cirebon.

**Kota Cirebon**
Lambang Kota Cirebon
Peta lokasi Kota Cirebon
Motto	Cirebon Berintan
Propinsi	Jawa Barat
Ibukota	{{{ibukota}}}
Lega Wilayah	37,54 km²
Kordinat	-
Pangeusi
· Jumlah	277.000 (2003)
· Kapadetan	7.376 jiwa/km²
Administratif
· Kacamatan	5
· Désa/ kalurahan	22
Dasar hukum	-
Tanggal	-
Walikota	Subardi S.Pd
Kode area telepon	0231
DAU	Rp. -
Situs web resmi: http://www.cirebon.go.id

Kota Cirebon nyaéta hiji kota di Propinsi Jawa Barat, Indonésia. Kota ieu aya di basisir Laut Jawa, di jalur pantura. Baheulana Cirebon mangrupakeun ibu kota Kabupatén Cirebon, tapi ayeuna geus dipindahkeun ka Sumber. Cirebon jadi pusat régional di wilayah basisir wétan Jawa Barat.

Kota Cirebon kawengku ku 5 kacamatan, nu dibagi deui kana sajumlah kalurahan.

Cirebon disebut ogé 'Kota Hurang'. Minangka daerah panggihna budaya Jawa jeung Sunda ti sababaraha abad kapungkur, masarakat Cirebon biasa migunakeun dua basa, basa Sunda jeung Jawa.

Kota ieu legana 37,36 km² kalayan pangeusina anu jumlahna kurang leuwih 300.000 jiwa.

Kota Cirebon mangrupakeun puseur industri roko bogana British-American Tobacco (BAT), salasahiji produsén roko bodas nu kasohor di dunya.

Di kota Cirebon aya tilu kasultanan, nyaéta Kasepuhan, Kanoman, jeung Kacerbonan, nu nepi ka kiwari masih keneh bertahan.

Di daérah Gunung Sembung, Gunung Jati, sakitar 15 kilométer saméméh kota Cirebon ti beulah kulon, aya makam Sunan Gunung Jati, salasahiji ti antara Wali Songo, nyaéta salapan urang panyebar agama Islam di Jawa.

[édit] Sajarah Kota Cirebon

Numutkeun Purwaka Caruban Nagari, dina abad XIV di basisir Laut Jawa aya hiji désa nalayan leutik nu ngaranna Muara Jati. Dina waktu harita geus loba kapal asing datang pingeun dagang jeung pangeusi satempat. Pangurus palabuan nyaéta Ki Gedeng Alang-Alang nu ditunjuk ku pangawasa Karajaan Galuh (Padjadjaran). Di palabuan ieu aktivitas Islam beuki berkembang. Ki Gedeng Alang-Alang mindahkeun tempat pamukiman ka tempat pamukiman baru di Lemahwungkuk, 5 km arah kidul ngadeukeutan suku pasir nuju ka karajaan Galuh. Minangka kapala pamukiman anyarna diangkat Ki Gedeng Alang-Alang kalayan gelar Kuwu Cerbon.

Dina perkembangan satuluyna, Pangéran Walangsungsang, putra Prabu Siliwangi ditunjuk minangka Adipati Cirebon kalayan gelar Cakrabumi. Pangéran ieu anu ngadegkeun Karajaan Cirebon, dikawitan ku henteu ngirimna upeti ka Raja Galuh. Ku Raja Galuh dijawab ku jalan ngirimkeun tentara ka Cirebon pikeun nalukkeun Adipati Cirebon, tapi singhoreng Adipati Cirebon kuat teuing pikeun Raja Galuh nu ahirna Cirebon meunang perang.

Ku ayana kajadian éta, karajaan anyar diadegkeun di Cirebon kalayan Rajana gumelar Cakrabuana. Ngadegna karajaan Cirebon nandaan dimimitiannana Kerajaan Islam Cirebon kalayan palabuan Muara Jati nu aktivitasna berkembang nepi ka wewengkon Asia Tenggara.

[édit] Riwayat Pamaréntahan

1.Mangsa Taun 1270-1910. Dina abad XIII Kota Cirebon ditandaan ku kahirupan nu tradisional kénéh sarta dina taun 1479 berkembang jadi puseur panyebaran jeung karajaan Islam utamana di wilayah Jawa Barat. Saterusna sanggeus penjajah Walanda asup, diwangun jaringan jalan raya darat jeung karéta api sahingga mangaruhan perkembangan industri jeung perdagangan.

2. Mangsa Taun 1910-1937 Dina mangsa ieu Kota Cirebon disahkeun jadi Gemeente Cheirebon kalayan lega 1.100 Héktar sarta pangeusina 20.000 jiwa (Stlb. 1906 No. 122 jeung Stlb. 1926 No. 370).

3. Mangsa Taun 1937-1967 Taun 1942 Kota Cirebon dilegan jadi 2.450 héktar sarta taun 1957 status pamaréntahannana jadi Kota Praja kalayan lega 3.300 héktar, sanggeus ditetepkeun jadi Kotamadya taun 1965 legana jadi 3.600 héktar.

4. Mangsa Taun 1967-Kiwari Wilayah Kota Cirebon nepi ka ayeuna legana 3.735,82 héktar nu kabagi kana 5 kacamatan sarta 22 kalurahan

[édit] Tumbu Luar

(id) Situs resmi

Kabupatén jeung Kotamadya di Propinsi Jawa Kulon
Kabupatén: Bandung \| Bekasi \| Bogor \| Ciamis \| Cianjur \| Cirebon \| Garut \| Indramayu \| Karawang \| Kuningan \| Majalengka \| Purwakarta \| Subang \| Sukabumi \| Sumedang \| Tasikmalaya Kota (kotamadya): Bandung \| Banjar \| Bekasi \| Bogor \| Cimahi \| Cirebon \| Dépok \| Sukabumi \| Tasikmalaya
Baca ogé daptar kabupatén jeung kota di Indonésia