Çuaş xalqı
From Wikipedia
Çuaşlar (üzatamaları - чăваш [čăwaş]), Törki xalıq. SSSRda barlığı 1.842,3 meñ keşe (1989.), ş.i. RFda 1.773,6 meñ keşe. Çuaşstannıñ töp xalqñ (907 meñ keşe). Tatarstanda 134,2 meñ keşe, nigezdä Aqsubay, Bua, Nurlat, Täteş, Çirmeşän, Çüpräle rayonnarda. Ş.u. Başqortostanda, Samara, Sember, Tömän, Kemerovo häm Orenburg ölkälärendä, Mäskäw şähäre belän Mäskäw ölkäsendä, Krasnoyarsk krayında, Qazaqstan belän Ukrainada yäşilär. 3 subetnik törkemgä bülänälär: Taw yağı Çuaşları (вирьял, тури (viryal, turi)) – Çuaşstannıñ tönyağında häm tönyaq-könbatışında; Bolın yağı Çuaşları (анат енчи (anat yenči)), - Çuaşstannıñ üzäk öleşendä häm tönyaq-könçığışında; Tübän yaq Çuağları (анатри (anatri)) – könyaqta hän Çuaşstannan tış ölkälärdä. Çuaş telendä söyläşälär. Küpçelege Xristian dine tota. Qayber urınnarda mäcüsilek ğöref-ğädätläre saqlanıp qalğan. 15.-16. yözlärdä Çuaşlar yäşägän cirlärneñ zur öleşe elekke Qazan xanlığı bilämäsenä, 1708.-1920. yıllarda Qazan gubernasına kergän. Borınğı taríxı däwerlärdän birle Tatarlar belän yaqınnan aralaşıp yäşägän xalıq. Urta Ğasırlarda Çuaşlarnıñ ber öleşe Íslam dinen qabul itkän häm tatarlaşqan dip farazlana.
