Ernonhé
Èn årtike di Wikipedia.
Ernonhé (fr: Ernonheid) est èn ancyin ptit ban del Walonreye, rebané avou Aiwêye.
- Limero del posse: 4920 (vî limero 4083)
- Limero diyalectolodjike: H 78
Ernonhé est on ptit viyaedje di campagne del province di Lidje, metou sol boird del voye nåcionåle 30, a ene dijhinne di kilometes d' Aiweye, a 3 kilometes di Werbômont et a 7 kilometes di Ferire. Eronhé esteut, disk' ås grands rebanaedjes, ene des pus ptitès comenes di Beldjike.
Dispoy li 1î d' djanvî 1977 Ernonhé est metou avou l' intité d' Aiwêye, a l' aschate nonne.
Asteure e l' arondixhmint d' Lidje, il esteut, disk' e 1976, dins l' arondixhmint di Hu-Wareme.
Avou ses troes hamtes, Faweu, Poujhons eyet Li Levêye, i s' sitind so 430 ectåres (5% do teritwere di l' intité d' Aiwêye), avou bråmint des bwès, des taeyes, des waides eyet kékès rålès parceles cultivêyes.
