Gazete
Èn årtike di Wikipedia.
Li Clabot, ene viye gazete di Lidje (on limero di 1922)
Ene gazete, (e 19inme sieke, on djheut on djournå), c' est des foyes di papî, nén agrafêyes, ki rexhèt a tinzayeure (tos les djoûs, totes les samwinnes, rålmint tos les moes), et dner les dierinnès codowès noveles. Les gazetes sont fwaites pa des gaztîs.
Les gazetes e walon, c' est des gazetes gazetes u des rvowes ki s' sicrijhèt e walon (avou ene miete di francès divins sacwantes). Gn a eto des gazetes e francès avou ene coirnêye e walon.
Les ptitès gazetes, c' est des gazetes k' on-z a po rén, avou bråmint del riclame.
Les rvowes sont pus beles; ele sont-st imprimêyes so do pus bea papî, et moussèt foû totes les samwinnes u tos les moes.
Les tites di sacwantes gazetes del Walonreye et did totavå sont so ene ôte pådje.
[candjî] Vindince des gazetes
[candjî] Sôres di vindaedjes
- Vindaedje å limero, dins les hobetes.
- Pitits vindeus criyeus (dins les veyes, dinltins).
- Abounmint, apoirté pal posse. Onk des prumîs ovraedje des messaedjîs, divinltins, c' esteut d' apoirter l' gazete, minme dins les pus ptits hamteas. Les djins s' abounént a ene gazete rén k' po-z aveur li facteur tos les djoûs, et lyi dmander des commissions.
[candjî] Gazetes vindowes divinltins, el Walonreye
- Egzimpe di lisse d' abounmint, e 1915, dins l' payis d' Bastogne (sourdant: Louis Piron: Facteurs, djindårs et li cpagneye):
- Gazetes avou did tot: "Les Noveles", "Li Dierinne Eure" (La dernière heure), "l' Avni" (L'Avenir), "El Swer" (Le Soir), "Li Mouze" (La Meuse), "El Påtriyote" (Le Patriote).
- Gazetes di mestîs: "L' Esco del Boûsse" (L'Echo de la Bourse, po les rintîs), "Li siyon" (Le Sillon Belge), "Li Lussimbordjwès" (les deus po les cinsîs), La revue des notaires (po les notåres).
- Gazetes rilidjeuses: La vie des Saints, La semaine religieuse
- Gazete coinrece: "Li rclame bastognesse" (La réclame Bastognaise).
- Inte les deus gueres, a Malåtchî.
- Journal du Canton de Ciney,
- La Nation Belge (catolike di gåtche)
- Le Patriote (catolike)
- La Dernière Heure
- Li Coirneu (ki rexheut totes les samwinnes).
