Louis Remacle
Èn årtike di Wikipedia.
Louis Remacle (e walon: li Louwis Rmåke) a skepyî e 1910 et a morou e diviè 1999. Ci fourit on sicrijheu d' arimeas e walon, k' a cmincî tot djonne. Il eplaida: "Fråjhûlès tchansons" (1931), "Å tchestea d' poûssires' (1946), "Fagne" (1969), "Moite Fontinne" (1975). I rprezinte pår li Djermêye 48. Come di djusse il est rprin dins l' grosse antolodjeye da Piron et dins l' antolodjeye Gallimard des powetes do 20inme sieke.
Mins Louwis Rmåke est purade conoxhou come onk des pus grands rcwereus sol walon. Po cmincî, c' est lu k' enonda l' eplaidaedje di l' A.L.W., et fé lu-minme les deus prumîs tomes. Pus tård, i studia purade li croejhete et l' istwere do lingaedje walon. Mins on lyi doet eto li motî del Gléjhe. Sacwants des ovraedjes sincieus da Louwis Rmåke ont stî publiyîs foû payis, a Paris et a Djneve.
Di s' mestî, Louwis Rmåke esteut prof di diyalectolodjeye walone a l' Unif di Lidje. Il aveut replaecî J. Haust. Contråvmint a Haust, Rimåke esteut d' ene famile la k' on dvizéve walon. C' est a pårti d' ene plake eredjistrêye avou les cåzaedjes di s' mame k' il a fwait totes les statistikes so les sôres di mots do djåzé walon.
[candjî] Les ovraedjes sincieus sicrîts pa Louwis Rmåke
- Le parler de La Gleize [Ve 39], eplaidî a Lidje e 1937.
- Les variations de l' H secondaire en Ardenne Liégeoise
- Problème de l'ancien wallon, eplaidî a Lidje e 1948.
- Syntaxe du parler du parler wallon de La Gleize, tome 1 eplaidî a Paris e 1952.
- Volêye l° 1 di l' A.L.W. (sacwants mots modeles), eplaidî a Lidje e 1953.
- Syntaxe du parler du parler wallon de La Gleize, tome 2 eplaidî a Paris e 1956.
- Syntaxe du parler du parler wallon de La Gleize, tome 3 eplaidî a Paris e 1960.
- Volêye l° 2 di l' A.L.W. (croejhete); eplaidî a Lidje e 1969.
- Glossaire de La Gleize, eplaidî a Lidje e 1980.
- La différenciation dialectale en Belgique Romane avant 1600, eplaidî a Djneve e 1992.
