Basilan
Tikang ha Wikipedia
An Basilan usa nga isla nga probinsya o lalawigan han Pilipinas nga nahamutang ha Autonomo nga Rehiyon ha Muslim Mindanao (ARMM). An kapital hini amo an Syudad han Isabela ngan nahamutangan ini ha kalawdan tikang han salatan nga labnasan han Peninsula han Zamboanga. An Basilan amo an pinakaamihanan ha mga dagko nga isla han Kapurupud-an Sulu.
2000 nga census—259,796 (ika-16 nga giguti-ayi)
Densidad—210 ha tagsa km² (ika-8 nga giguti-ayi)
Mga Dagko nga Syudad—0
Mga Komponent nga Syudad—1
Mga Bungto—10
Mga Baranggay—210
Mga Distrito ha Kongreso—1
Sulod |
[igliwat] Heyograpiya
An Basilan ginbahin ngadto hin napulo (10) nga mga bungto ngan usa (1) nga syudad. An Syudad han Isabela amo la an syudad ngan amo an kapital han Basilan. Pero an Syudad han Isabela naglulugaring tikang han probinsya ngan kabahin han rehiyon han Peninsula han Zamboanga. An Basilan kabahin han una han rehiyon han Western Mindanao o Katundan nga Mindanao (an daan nga ngaran han Peninsula han Zamboanga nga rehiyon), pero hin dipala naiha nga plebisito an mga taga-Basilan nagpili nga umapi han ARMM, gawas la han Syudad han Isabela.
[igliwat] Mga Syudad
[igliwat] Mga Bungto
[igliwat] Kaagi ngan Kasaysayan
An mga nanguna nga nangukoy han isla amo an mga Orang Dampuan, nga amo an mga katulinan han mga Yakan nga katawhan. Hi Sultan Kudarat nagmantener hin kusog nga bungto ha Lamitan hangtod han pagpirdeha hini nga lugar han mga Espanyoles han 1637. Mga misyonero nga Heswita nangulpot katapos hin pira ka tuig nga sinmunod.
An mga Dutch inmatake han Basilan han 1747 pero napirde hira han mga nangungukoy dinhi. An Franses naningkamot pag-okupar han probinsya han 1844, pero hira, gihapon, waray magmalinamposon. Sunod hini, an mga Espanyoles naghimo hin bato nga fortaleza nga ginngaranan ha dungog ni Reyna Isabel II.
Dida han kahimo nga chartered-nga-syudad han Zamboanga han 1936, nahilakip dinhe an Basilan. Pero dida han Hulyo 1, 1948, an Basilan mismo nahimo nga bulag nga syudad. An syudad ginhimo nga lalawigan dida han Disyembre 27, 1973.
[igliwat] Mga Sumpay ha Gawas
| Mga Syudad ngan Bungto han Basilan | |
| Mga Syudad: | Isabela |
| Mga Bungto: | Akbar | Al-Barka | Hadji Mohammad Ajul | Lamitan | Lantawan | Maluso | Sumisip | Tipo-Tipo | Tuburan | Ungkaya Pukan |
