Lets
vanuit Wikipedia, die vrye ensiklopedie.
Lets of Letties is 'n Indo-Europese taal wat tot die Baltiese taalgroep behoort. Dit is die amptelike taal van Letland en sedert Letland se aansluiting op 1 Mei 2004 ook van die Europese Unie. Lets is nou verwant aan Litaus, maar het egter in verskillende opsigte verder geëvolueer. Onder die invloed van die naburige Fins-Oegriese tale soos Esties plaas Lets die klemtoon op die eerste lettergreep. Die dualis (tweevoud) sowel as die onsydige grammatikale geslag het in Lets verlore geraak (die taal maak wel onderskeid tussen manlike en vroulike woorde).
Die onderskeid tussen bepaalde en onbepaalde vorme van die byvoeglik naamwoord het wel behoue gebly. Lets, wat geen lidwoorde het, maak derhalwe deur middel van verskillende vorme van die voorafgaande woord onderskeid tussen byvoorbeeld 'n groot stad en die groot stad.
Die oudste Letse teks is 'n katolieke kategismus en dateer uit 1585. 'n Jaar later word dit deur 'n lutherse kategismus gevolg. Opvallende elemente in Letse skrif is die streepies bo klinkers wat die lengte aangee.
| Indo-Europese tale > Satem-talen > Baltiese tale > | ||
| Oos-Baltiese tale: | Wes-Baltiese tale: | |
| Lets | Litaus | Selonies † | Semigallies † | Samogities ¹ | Koers² | Oudpruisies † Galindies † | Sudowies † | |
| ¹Gewoonlik as 'n dialek van Lets beskou | ²Klasiifikasie as Oos- of Wes Balties problematies | |
